Sakaraya 10:10 - DAWAN BÎLA AISKA

¹⁰ Witin nani Idsip wina kli bri balaia daukamni. Asiria wina sin bri balamna, bara witin nani ba Galaad ra, Líbano ra brih wamna, upla ailal pali kabia ba mita, dimaia utla sin âpu kabia.

Sakaraya 10:10 ပူးပေါင်းရင်းမြစ်များ

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 50:19

Israel ba ai tasbaya ra kli waia daukamna, sîp kum Carmelo, Basán, Efraín ilka nani tilara, Galaad ra ai pata ailal pali piaia bri ba baku.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 11:11

“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.

Abdías 1:20

Israel luhpia nani priski brih wan kan ba wina kli balan nani ba bal Kenan wina Sarepta kat ai tasbaya piarkika ba ban alki bribia. Jerusalem wina priski brih wan kan nani Sefarad ra bâra ba, baha nani sin bal Négueb tawanka tara nani ba alki bribia.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sakaraya 8:7

Yang bui upliki nani ba pri daukamni, lalma kuntrika, muna kuntrika uplika nani karnika ba wina,

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”