Sakaraya 10:1 - DAWAN BÎLA AISKA

¹ Man nani bui Dawan ra puram suns, mani laya ba auhaia, imyula nani lipi ba sin Dawan daukisa, ban ailal pali witin blîkbia, bara inma wahia ba upla sut dukiara tasba ra pâwbia.

Sakaraya 10:1 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

Job 29:23

Bara witin nani lika brin dauki pali bîla kaiki kan, bitni piua ra lî auhaia bîla kaiki ba baku.

Lawana Nani 104:13

Man sika il nani ra lî laikisma, wamtla laih purara ba wina; man lî karna yabram auhi ba wal, tasba na âuyapah yabisma.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Lawana Nani 65:9

Man bui tasba ba main kaiki brisma, lî bliki yaram ai mâ ailal sakisa, man bui tingni kârma laya ba yaram plapisa, bara yaram plawar mâ nani alkisa. Baku sika tasba ba ridi daukisma, mâ nani pâwaia dukiara.

Lawana Nani 72:6

Lî auhi bara diwas laya iwi tasba, twi lâwan ra buski ba baku kabia.

Sins Lâka 16:15

King mawan liliaka ra sika wan rayaka briaia ba bâra sa; bara witin, yawan ra yamni luki ba lika, kasbrika ra lî bâra ba baku sa.

Aiseya 30:23

Bara Dawan lî maikbia mâ nani bikram ba purara, tasba ra, mâ nani insla ra mangkram nani ba, tasba wina plun maikbia, manis pali ban pura lui kabia; bîpkam nani ba baha piua ra, twi ailal pali tilara twi pi kabia.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Jirimaya 10:13

Alwani bîla baikra ni lî auhaia binka ba kasbrika purara daukisa, tasba paskanka ba wina kasbrika nani ba sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 5:24

Kupiam wal aisi kaikras bara naku sin aisaras: Dawan wan Gâdka ra kulkanka ba yabaia, bara witin mita piua kat lî auhaia bara lî sikwaia nani piua ba wankbia, mâ nani dâkaia piua ba sin piua kat wankbia.

Jirimaya 51:16

Alwani bîla baikra ni lî auhaia binka ba kasbrika purara daukisa, tasba paski tawan ba wina kasbrika nani sunisa, lî auhi ba tilara yan imyula lipisa, pâsa watla wina sakan pâsa ba krawisa.

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Oseas 10:12

Yang bui witin nani ra wîri: Kasakka lâka mâ ba, man nani mangks bara latwan kaikaia mâ nani ba kriks. Tasba baiki dauks, mâ raya nani mangkaia dukiara, kan nanara mahka Dawan plikaia piua sa, witin balbia kat bara swaki mai sakan laya ba, man nani puramra auhbia.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Emus 4:7

“Yang daukri sika, kati yumhpa namsla purara lî auhras kaia ba, kau mâ dâkras ba kainara, tawan tara kum purara baman yabri lî auhan, bara wala nani purara yabri auhras kan. Insla kum kum purara lî auhan, bara insla wala nani ba lika, lî âpu tâka mita srawi luan.

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Jan 16:23

“Baha piua ra man nani kli diara maikabi walma apia. Kasak pali mai wisni, Aisa ra dîa dîa yang nini mâki makama ba, sut pali maikbia.

1 Korint 3:6

saumuk ba yang mangkri, Apolos lî laikan, sakuna Gâd sika yan pâwan ba.

Kli Smalkanka 28:23

Kasbrika pura wina lî sin maikbia apia, tasba na sin plun mâ mangkrika mâ nani saki maikbia apia.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.