Sakaraya 1:19 - DAWAN BÎLA AISKA

¹⁹ Bamna insal yang wal aisi kata ba ra makabi walri, aringka nani ba dîa tânka sapa, bara witin ai win: “Baha aringka nani ba sika, baha uplika karnakira nani ba, witin nani mita Juda, Israel, Jerusalem uplika nani sut, tasbaya wina kangbi sakan bara tasba aiska ra wan ba.”

Sakaraya 1:19 ပူးပေါင်းရင်းမြစ်များ

1 King Nani 22:11

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “¡Dawan naku wisa: ‘Naha aringka nani wal Siria uplika nani sut ba mangki âpu pali daukamna!’ ”

Esdras 4:1

Juda bara Benjamín uplika wailhka nani ba walan, upla nani alki brih wan kan wina kli tawi balan nani ba, Dawan Israel Gâdka tempelka ba kli paski kan.

Esdras 4:4

Bara baku baha tasbaya uplika nani ba Juda uplika nani spiritka turbi kan, sibrin sin dingkan utla ba mâki kabia apia wisi.

Esdras 4:7

Bara Artajerjes, Persia kingka aimaki kan yua nani ra, dahra kwakwahkra ba ra win mapara babura nani Bislam, Mitrídates, Tabeel bara ai pânika wala nani kira, Artajerjes ra wauhkataya kum ulban. Wauhkataya ba Aram uplika bîla ra ulban kan, bara Persia bîla ra sin lakan kan.

Esdras 5:3

Baha piua ra, wihta tara Tatenai, Éufrates awala muna tani tasbaya ra wihta tara kan ba, bara Setar-boznai sin ai pânika nani aikuki, witin nani ra wih naku win: “¿Ya adar maikan man nani naha tempelka na kli paskaia, bara tat nani wal kaina kutbi prakisma? ¿Naha watla kli mâki uplika nani ba ya, bara ai nina nani ba dîa?”

Lawana Nani 75:4

Taniskira nani ra bara watawi dadaukra nani ra wisni: “Man nani mamyuni tara pulpara;

Lawana Nani 75:5

man nani karnikam brisma wisi karna aisapara, aisaia sma ba ra upla ra saura aisapara.”

Jirimaya 48:25

Dawan kasak aisisa: “Moab karnika ba krikan, karnika ba slingban.”

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 7:16

Bahara ai mina ra bûi kan ba kum lamara wari, bara makabi walri baha diara nani ba tânka wirâ ai wibia, witin âu takan ai wiaia, bara ai win:

Emus 6:13

Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Abakuk 3:14

Man trisbaikam nani ni, witin nani ai wihtka tara ba ikram, witin nani ai araska âiulra nani ba, pâsa saura karna krawi ba baku, yukuwan lâka ra bal takan, upla nani ai kan kahbaika âpu nani ba mapara, bara yukuwan lâka ra sauhki tikaia.

Sakaraya 1:18

Diara aihka wala lilka kaikri, bara bîp aringka walhwal lilka mairikan kan.

Sakaraya 1:21

Yang makabi walri: “¿Baha nani dîa daukaia bal takan?” Bara witin pana ai win: “Witin nani balan ba sika, nisan nani ba tayahki batakaia, witin nani mita Juda uplika sut ra rausauhki, tasbaya wina kangbi saki tasba aiska ra yakaban ba ra, pana witin nani ra sin baku munaia.”

Sakaraya 1:9

Yang makabi walri: “Dawanki, ¿aras uli nani ba ya nani?” Bara insal yang wal aisi kata ba pana ai win: “Yang mai wimna, witin nani ba ya nani sa.”

Sakaraya 2:2

Witin ra naku makabi walri: “¿Man anira auma?” Bara ai win: “Jerusalem tawanka kulki kaikaia auya, baha yarika, bîla yahpika wal nahki sapa kaikaia.”

Sakaraya 8:14

Dawan, karnika sut bri ba, naku aisisa: “Damikam nani kupi baikan bara klala yabaia lukri ba, kupi lakras ban daukri.