Sakaraya 1:16 - DAWAN BÎLA AISKA

¹⁶ Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 1:16 ပူးပေါင်းရင်းမြစ်များ

Job 38:5

¿Man tânka brisma ki ya mita kulki kaikan ba, bara yamna papaskra kan paskan ba?

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 34:11

Kaku, sikiski taya kiaikira nani ba, witin ai dawanka takbia, iskri bara kuskuspiram nani witin ra iwbia, bîla man swin kabia kuntrika tasbaya ba.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Isikiel 40:3

Dawan ba bahara ai brih wan bara yang waitna kum kaikri mawan ba bras baku kan. Tawan getka ra bûi kan, bara ai mihta ra linin awa kum bri kan bara kulkaia dusa sin kum.

Isikiel 47:3

Waitnika ba kiwa kum ai mihta ra brih, lalma tani ra taki wan bara 560 yar kulkan bara yang lî bâk luri laya plapi ba mini lukutbaika ba pura kat kan.

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Hageo 1:14

Dawan baha bîla aisin ba wal, Zorobabel, Juda wihtka tara ba, Jasua prîs nani wihtka ba sin, bara upla nani sut ba, kati matlalkahbi, yua 24 aimakan ra, Darío pat mani wâl king aimaki kan ba ra, witin nani mahka buan ai Gâdka, karnika sut alki bri ba Dawanka, tempelka ba kli paskaia.

Sakaraya 10:6

Dawan naku aisisa: “Juda kiamka nani ra karnika yabamna, bara Josep kiamka nani ba swaki sakamna. Witin ai kuntrika ra waia tapahkamna, kan witin nani ra luki kupi swapni takisa. Yang bui witin nani ra lulki swiras kapri kan baku lukbia, kan yang sika witin nani ai Dawan Gâdka sna, witin nani maikabi ba yabisna.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.