Sakaraya 1:13 - DAWAN BÎLA AISKA

¹³ Dawan pana baha insalka, yang wal aisi kan ba ra maisa nihkaia bîla yamnikira nani ni aisin;

Sakaraya 1:13 ပူးပေါင်းရင်းမြစ်များ

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Daniel 12:6

Bara waitnika wâl ba wina kumika bui linin kwalka nani dimi awala purara bûi ba waitnika makabi walan: ‘¿Ahkia naha diara aihka pali na tnata alkbia ki?’

Sakaraya 1:9

Yang makabi walri: “Dawanki, ¿aras uli nani ba ya nani?” Bara insal yang wal aisi kata ba pana ai win: “Yang mai wimna, witin nani ba ya nani sa.”

Sakaraya 4:1

Baha insalka yang wal aisi kata ba kli balan, bara upla kum yapi kan tatukbi buki ba baku taitukban. Bara maikabi walan:

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”