Sakaraya 1:12 - DAWAN BÎLA AISKA

¹² Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Sakaraya 1:12 ပူးပေါင်းရင်းမြစ်များ

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Lawana Nani 102:10

man lawankam bara kupiam baiwanka ba mita, purara ai bukatma; baha ningkara ai batakaia mata.

Lawana Nani 102:13

Man bus bara Saion ra umpira kaiks, piua ba aimakan sa; saurka swi tikaia yua ba pat aimakan sa.

Lawana Nani 69:5

Gâdki, man kaikisma yang nahki tanis kapri ba; bamna yang lika man ra saurki ba sip yukukras sna.

Lawana Nani 74:10

Man Gâd, ¿ahkia kat wan waihla nani ban saura wan muni kabia ki? ¿Bara ahkia kat, witin nani ba mampara saura aisi ba swibia ki?

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 15:17

Baha nani lilia baman kaia luki nani ba tila wina aihka takisna, man bui yang Dawanki takram yua ba wina yakan wataukri, kupiam baiwanka nani ba ni ai banhkram bamna.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Daniel 12:6

Bara waitnika wâl ba wina kumika bui linin kwalka nani dimi awala purara bûi ba waitnika makabi walan: ‘¿Ahkia naha diara aihka pali na tnata alkbia ki?’

Daniel 9:2

Pas mani witin king aimaki kan ba piua ra, yang Daniel, prapit Jirimaya wauhkataya aisi kaiki tânka pliki kapri, baha 70 mani Jerusalem sauhki tikanka piua tnata alki luan kabia ba, Dawan bui prapit ra win kan ba baku.

Abakuk 1:2

Dawan, ¿yang ahkia kat man ra makabi wali ban wini kamna ki hilpkam briaia dukiara, bara man lika yang ra ai walras sma ba? Dawan, ¿ahkia kat yang nani puri suni ban kamna, rausauhkan lâka ba mapara bara man swaki wan sakaia balras kama?

Sakaraya 1:8

Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Sakaraya 7:5

“Tasbayam uplika nani sut ra wis, prîs nani ra sin: ‘Man nani pat 70 mani, kati matsip aimaki ba ra, kati matlalkahbi pura kumi aimaki ba ra sin, sari bri, kaiki plun piras dauki banhwisma. Sakuna man nani bui yang ra yamni ai kulkaia dukiara daukras,

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Param Marikanka 6:10

Naha nani ai bîla baikra karna wini kan: “Dawan, man holikira sma ba bara kasak kat pramis daukisma ba, ¿ahkia kat man ba lâ daukma naha tasba ra iwi nani ra, bara pana ikma wan pruanka nani ra?”