Rut 4:14 - DAWAN BÎLA AISKA

¹⁴ Bara mairin nani ba Noemí ra win: —¡Dawan nina tara mayunan kabia! ¡Kan nanara sika mulam kum maikuya, main mai kaikaia, ban kra sin Israel luhpia nani tilara tara kulkan kabia!

Rut 4:14 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 24:27

Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”

Blasi Sturka 29:35

Lea kli kwihra tiwan, bara luhpa waitna wala kli baikan, bara nina ba Juda mâkan, bara witin win: “Naha kat Dawan nina ba yang mayunamni.” Bara baha kat takaskan, witin baha wina kau luhpa baikras.

Luk 1:58

Ai watla lamara iwi nani bara ai taya nani sut lilia lakula daukaia wan, bara baha nani kaikan nahki Gâd mita Elisabet ra yamni munan ba.

Roman 12:15

Lilia uplika nani wal liliam bas, bara ini uplika nani ba wal sin ini bas.

1 Korint 12:26

Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.