Rut 3:13 - DAWAN BÎLA AISKA

¹³ Man naha tihmia nâra bas. Yauhka titan baha waitnika mai briaia wibia kaka, baku takbia. Sakuna witin mai briras kaka, yang bui Dawan mawanra mai wisna, yang mai brimna. Bamna yapi bas.

Rut 3:13 ပူးပေါင်းရင်းမြစ်များ

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

2 Korint 1:23

Sakuna yang luki kapri ba kat sip Korint ra waras katna, Gâd ba witniski sa, yang bui man nani ra uya lukisna ba; ridi sna rayaki pali ba yaia.

Hibru Nani 6:16

Upla kum swer takisa ba ra, witin purkara upla wala kum kau tara nina mâki swer takisa; bara swer taki diara kum karna daukisa ba ra, baha mapara kau blahwanka kumi sin âpu sa.

Wihta Nani 8:19

Baha nani baku aisin ba ra, Gedeón ai bîla baikra karna wini aisin: —¡Muihki nani! ¡Yang muihki nani pali iki banhram! Dawan ba kasak raya ban ba baku, man nani bui witin nani ba ikras katma kaka, yang sin naiwa man nani ra mai ikaia apia kapri.

Rut 2:20

Bara Noemí Rut ra win: —Dawan bui witin ra ai yamnika yabia. Witin sin nanara yamni wan munisa, kanra pat pruan nani wal yamni kata ba baku. Baha waitnika sika yawan wan taya pali, bara wan tâ baikaia aitani sa.

Rut 3:12

Âu, kasak sa yang na man tamya, ban sakuna, waitna wala kum bâra sa kau man tamya pali ba.

Rut 4:5

Bara Booz param aisin: —Sakuna luki bas, man naha tasbaya na Noemí wina atkma kaka, piarkika Rut sin mayam briaia kama, baha tasbaya ba waitna pruan ba nina ra kau ban kulkan kaia ba mata.

Rut 4:6

Taika waitna baha walan ba ra aisin: —Baku kaka, yang sip atki brimna apia, bamna man mihtam ra swisna, kan sip sa yang prapatiki lâka na sauhkaia.