Rut 3:1 - DAWAN BÎLA AISKA

¹ Yu kumi Noemí Rut ra win: —Luhpi mairin, yang lika man mayam kum pliki maikaia sna, man ra diara nani sut yamni baman taki kaia ba mata.

Rut 3:1 ပူးပေါင်းရင်းမြစ်များ

Blasi Sturka 40:14

Sakuna baha yamnika man ra takbia ba ra yang ra sin luki bas, kupiam pihni lâka ba yang ra sin mairiks, king fero ra yang dukira aisas, silak watla wina ai sâkbia. ¡Umpira ai kaiks!

Lawana Nani 128:2

Man mihtam warkka ba wina mâ pi kama, lilia kama bara man ra sin yamni man kabia.

1 Korint 7:36

Sakuna ani uplika luki kaka, ai luhpia mairin ba marit takbia ba kau pain sa, witin tiara piua ba pat lui auya ba mita, bara baku daukbia ba kau pain sa kaka, witin dîa kau pain sa lukbia ba daukaia sa; witin nani sip sa marit takaia, kan baha ba saurka kumi sin apia sa bamna.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

1 Timoti 5:14

Baha mita, yang want sna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra wan ninara saura aisaia sanska yabaia apia dukiara.

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.

Rut 1:9

Dawan bui man nani mayam wala maikbia, bara witin wal wamtla ra âmyapah kama. Noemí bui ai mawan kiawalan bara witin nani mahka karna inan.

Rut 2:23

Bamna Rut ban Booz warkka uplika nani tilara mâ nani wahbi kan, barli mâ bara plawar mâ krikaia piua luan ba kat. Bara witin ai piarkika wal ban iwi kan.

Rut 3:2

Kaiks wan taya waitna Booz, witin ai warkka uplika mairin nani aikuki taki katma ba, naha tihmia witin ai nasla ra auya barli mâ ba pukbi sakaia.