Rut 1:5 - DAWAN BÎLA AISKA

⁵ Bara Mahlón Quilión wâlsut pruan, bara piarka Noemí lika mayas bara luhpias yakan pali takaskan.

Rut 1:5 ပူးပေါင်းရင်းမြစ်များ

Aiseya 49:21

Bara man kupiam lukra ra wima: ‘¿Ya mita naha nani luhpia na aikan? Yang luhpa âpu katna, sip sin briras katma; yang ai lulkan bara yang yakan katna, ¿ya mita pakan? Yang ra yakan ai swin kan, ¿ansa wina balan?’ ”

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Luk 7:12

Tawan ba lamara wan bara kaikan upla dakni kum pruan kum bikaia brih auya kan, baha ba piarka mairin kum luhpa waitna kumi baman pali bri kan ba. Tawan ba wina upla ailal witin yula kahbi kata.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Rut 1:4

Baha wahmika wâl ba Moab mairka nani wal ai maya brin; witin nani nina ba Orfá bara Rut kata. Bara witin nani baha pliska ra iwi kan mani matawalsip nani.

Rut 1:6

Bamna yu kumi Noemí ai piarkika nani aikuki mahka Moab tasbaya wina taki waia buan, kan sturi walan Dawan bui ai uplika nani ra kli yamni kaikan, bara nanara baha tasbaya ra yan plun takisa.