Roman 9:4 - DAWAN BÎLA AISKA

⁴ Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Roman 9:4 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 17:10

Naha sika lâika ba man nani wal yang daukisna ba, man nani bara kiamkam nani sut lâika na daukaia sma: Waitna bani man nani tilamra bâra ba, Aisa sainka ba klaki kaia sa.

Blasi Sturka 17:2

Bara yang lika man wal lâ kum daukamni: maikrika kiamkam ailal pali bri kama.

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

1 King Nani 8:11

Prîs nani takaski ai pura sunaia sin sip apia kan, kasbrika nani ba mita, kan utla ba Dawan prana ni banhwan kan ba mita.

Nihimaya 13:29

¡Yang Gâdki: man kupiam krauki bas baha nani prîs lâka tâski daukan ba, prîs kaia lâka ba bara Libait lâka sin!

Lawana Nani 63:2

Dawan, man wal aisaia wamtla ra wamna, man wal prawan ai daukisa, baku mika man karnikam bara pramna ingnika ba kaikan ai daukisa,

Lawana Nani 73:1

¡Gâd ba nahki pain pali sa, Israel luhpia nani ra, baha nani ai kupia klin bri nani ba kira!

Lawana Nani 78:61

Ai waihla nani, witin nani ra yan alkan ai prana bara karnika aiska tukinka ba, dakbi brih wata.

Lawana Nani 89:3

Debit wal lâ kum daukram; man nampakan bâk sakram ba wal pramis daukram:

Lawana Nani 89:34

Lâika bîla wal daukri ba krikamna apia, bîli ba sin luha kabia apia.

Lawana Nani 90:16

¡Man bui yas nampakan nani bara kiamka nani ra sin kaikbia man warkkam bara pramna ba!

Impakan Sturka 12:25

Dawan tasba maikaia pramis mai munan ba tasbaya ra dimma ba ra, witin bui man nani ra pramis mai munan ba baku, naha yua na kulki liliaka ba dauki kama.

Impakan Sturka 34:27

Bara Dawan bui Moses ra win: “Man naha bîla nani na uls, kan naha bîla nani ba kat yang bui man wal bara Israel uplika wal sin lâ daukisna.”

Impakan Sturka 4:22

Bamna man king fero ra naku wima: ‘Dawan naku wisa: Israel ba sika yang luhpi taiwahkia ba.

Impakan Sturka 40:34

Utla ba sut mâkan ba ra, tint watla ba kasbrika kumi bal Dawan prana ni madiskan, bara tint watla ba Dawan prana ni banhkan kan.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 46:3

“Man nani Jekob watla uplika nani, yang ra ai wals, Israel watla uplika nani sut sin; man nani ba yang upliki kaia, man nani kau aisubi takras kapram yua ba wina, pat mai sakri kan, klaihkla ra mai twilkisna,

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 60:19

“Kakna ra lapta ingnika kli want apia kama, kati wina sin ai ingnika tihmia ra want apia kama. Yang, Dawan, man ingnikam kamna, man Gâdkam ba, man pramna ban kaia ra, yang ingnikam kamni.

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Kulki Kaikanka 7:89

Moses ba Dawan wal aisaia tint watla ra wih diman ba ra, witin walan Dawan bui witin ra aisi kan lâ watla auhban pura prakaika ba wina, insal lilka wâl ba lilapas wina.

Matiu 21:33

“Man nani maprika lilka wala na wals: Insla dawanka kum ai nasla ra wain dusa mâ nani mangkan; bara klar kum kutban, wain laya taibi sakaia untika kum salhkan, bara tawer sin kum paskan diara ba sut aihwakaia dukiara. Ningkara, nasla ba wark tatakra nani mihta ra mangki si, witin plis ra impakan.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Roman 8:15

Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Roman 9:6

Sakuna Gâd bui Israel ra pramis nani munan ba aimakras lika apia; kan Israel kiamka sut ba lika Israel apia sa.

2 Korint 11:22

¿Witin nani ba Hibru nani sa ki? Yang sin. ¿Witin nani ba Ebraham kiamka sa ki? Yang sin.

Galesha 3:16

Bamna nanara, Gâd mita Ebraham ra bara ai kiamka ra sin pramis daukan. Ulbanka ra wiras sa: “Kiamka nani ra”, upla ailal dukiara aisaras, kuna naku wisa: “man kiamkam ra”; bara naha wiaia want sa upla kumi ra baman aisisa, baha ba Kraist.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Kli Smalkanka 14:1

“Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.

Kli Smalkanka 29:1

Naha lâka nani na sika Dawan mita Moses ra kli yaban kan Moab tasbaya ra, Israel luhpia nani ra smalkaia. Baha daukaia lâka na Horeb ilka ra pat witin nani wal aisin kan.

Kli Smalkanka 29:14

Sakuna naha lâka man nani aikuki dauki swer takan na Dawan lika man nani aikuki baman daukras,

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kli Smalkanka 4:13

Dawan wal aisi daukan lâka ba mamrikan, baha sika lâ nani matawalsip ulban kata ba walpa ulbanka wâl ra, bara aisi wiaia dîa win ba daukaia.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Hibru Nani 9:1

Bamna pas lâka daukan ba, Gâd ra pura suni mayunaia lâka nani bri kan, sakuna baha ba Gâd wal aisaia watla kumi ra dauki kata.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.

Hibru Nani 9:3

Tempel kwalka paman wala ba nina wala ra bâra kan, baha sika Plis Holikira pali mâki kan ba.

Hibru Nani 9:5

Lâ auhbaia watla ba purara kirubin nani ba bahara kan, baha nani ba lika Gâd pali bahara iwi kan watlika ra bri kan, bara ai tnawa nani wal lâ auhbaia watla ba praki bri kan. Sakuna nanara lika baha dukia nani tânka bani ba, aisaia piua apia sa.

Hibru Nani 9:6

Naha dukia nani naku ridi daukan ningkara, prîs nani ba yu bani tint watla pas kutbanka ba bilara pat pat wih dimi kan, Gâd ra pura suni mayunaia warkka ba daukaia.