Roman 9:33 - DAWAN BÎLA AISKA

³³ Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Roman 9:33 ပူးပေါင်းရင်းမြစ်များ

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Lawana Nani 119:116

Karnikam aik, man pramiskam wiram ba kat, bara yang raya kamni, ¡bara aikrika yang kainira lukisna ba dukiara swiri takamna apia!

Lawana Nani 25:20

¡Yang rayaki alki bris, man sin swaki ai sâks! ¡Baha nani swirka swiri ai dauki ai rungkbiara, yang lika man wina kaini kahbaika plikisni!

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Matiu 21:44

Bara ya ya walpa ba purara kauhbia kaka, pîs pîs ra kriwbia, bara walpaya ba upla kum purara kauhbia kaka, witinka yuya baman daukbia.

Roman 10:1

Muihki nani, yang pali kupi brinki ba, bara Gâd ra puri sunisna ba sika Israel luhpia nani dukiara witin nani sut ba swaki sakan lâka ba alkaia.

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Galesha 5:11

Bamna yang pali na, muihki nani, Aisa sainka daukaia dukiara smalki tauki katna kaka, Ju nani nini bliki rau ai sauhkaia apia kan; bara baha ba baku kata kaka, yang Kraist dusa prihni tâwan aisisna ba, witin nani kupia sauhkaia apia kan.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.