Roman 9:29 - DAWAN BÎLA AISKA

²⁹ Baha sim Aiseya kau kainara aisin: “Dawan, karnika sut bri ba kiamka nani swiras kan kata, nanara yawan lika Sodoma bara Gomora ba wal baku kaia kan.”

Roman 9:29 ပူးပေါင်းရင်းမြစ်များ

Aiseya 1:10

Sodoma wihtka nani, man nani lika Dawan bîla na wals; wan Gâdka lâka nani na aman wals, Gomora uplika nani, dîa mai smalkaia ba.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 49:18

witin nani ra sin Sodoma, Gomora wal, lamara tawanka nani kan bara sauhki tikan ba, baku takbia. Upla kli bahara iwbia apia, bahak wapi sin lui kabia apia. Yang, Dawan, aisisna.

Jirimaya 50:40

Sodoma ra, Gomora ra, bara tawanka nani lamara kan ba sut sauhkan ba baku, witin ra sin takbia. Upla baha tasbaya nani ra kli iwbia apia, baha lamak sin wapi lui kabia apia. Yang, Dawan, kasak aisisna.

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Sofonías 2:6

Baha kuntrika aiska, kabu un ra ba twi tasbaya takbia, bara bahara sepad nani asla taki, ai sîpka nani klarka paski bâra kabia.”

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.