Roman 9:23 - DAWAN BÎLA AISKA

²³ Baku bamna, Gâd ai prana tara ba yawan bâk marikaia lukan, yaura witin yamnika kaiki ba, bara yaura sin patitara piua wina pat ridi sakan ba, ai prana ba wina ai dukia bribia.

Roman 9:23 ပူးပေါင်းရင်းမြစ်များ

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

Luk 1:17

Witin lika Dawan kainara wabia, bara witin ai spiritka ra, ai karnika ra sin Ilayas kata ba baku kabia. Aisa nani ai luhpia nani wal yaka kupia kumi takbia, bara kiama karnira nani ba yaka bîla wali dadaukra takbia. Baku mika, witin mita upla nani ridi daukbia Dawan briaia dukiara.

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Epesus 3:16

Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia,

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:12

Bara liliakira Aisa ra tingki wis, kan Gâd king aimaki tasbaya ingnikira ra ai uplika nani mata diara nani ridi daukan ba tilara, man nani sut dukiam sin bahara sa bamna.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

1 Tesalonaika 5:9

Kan Gâd lika yawan pât bribia wisi bâk wan sakras sa, sakuna wan Dawan Jisas Kraist bal swaki sakan lâka bribia dukiara mika.

2 Timoti 2:21

Bâk sakan ra yus munaia dukia ba, Dawan mapa ra diara pain bara sunu kaia sa, yawan nani kumi bani ba klin kaia sa, saurka sut wina; baku lika diara pain baku ridi kabia wark yamni sut ra.