Roman 9:19 - DAWAN BÎLA AISKA

¹⁹ Sakuna man ban ai wima: “Baku sa kaka, ¿dîa kan Gâd mita upla pâtkira kulkisa? Bamna, ¿ya sip sa witin ai kupia lâka ba mapara buaia?”

Roman 9:19 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 29:16

¡Diara daukaia nani ba sut makupisa! Slaubla ni diara papaskra uplika ba baha slaublika wal baku kan sât. Dukia kum ba mita, ai papaskra ra sip wibia apia: “Man bui yang ai paskras”, lî watla kum ba mita sin ai papaskra ra wibia ki: “Man dîa daukisma ba tânka briras sma”.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Mark 14:21

Bamna Upla Luhpia Waitna ba, Ulbanka nani aisi ba yabalka bâk auya, ¡sakuna witin ra waihla mihta ra mangki waitnika ba mapara saura pali kabia! ¡Kau pain kaia kan witin ba aisubi takras kata!

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Roman 11:19

Ban kra wima: “Âu, sakuna tnawa nani pali ba klaki sakan, yang ba watlika ra ai mangkan oliv tnawa kamna.”

1 Korint 15:12

Sakuna yang nani smalkanki ba, Kraist pruan wina kli buan tânka sa kaka, ¿dîa kan man nani tilam wina tila nani wisa, pruan wina kli upla sip buras?

1 Korint 15:35

Sakuna ban kra upla kum makabi walbia: “¿Pruan nani ba nahki buisa? ¿Wîna tara ba dîa sât kabia ki?”

Jems 1:13

Ya ya diara saura daukaia traika kaikanka kat kasak lukbia, witin traika kaikan ba Gâd mita witin ra yabisa. Gâd lika diara saura daukaia traika kaikanka briras, upla ra sin witin mita traika kaikras.

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.