Roman 9:16 - DAWAN BÎLA AISKA

¹⁶ Baku bamna, upla dîa brin dauki ba, apia kaka daukaia trai muni ba lika apia sa, sakuna Gâd mita yamni kaikbia lika.

Roman 9:16 ပူးပေါင်းရင်းမြစ်များ

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Aiseya 65:1

Dawan aisisa: “Yang ra diara makabras uplika nani kata yang ra ai pliki balan; yang ra ai plikras kan uplika nani ba ai pliki ai sakan. Yang ra ai pura sunras kan uplika nani ba ra wîri: ‘Kaiks yang nâra sni.’

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 4:8

Kli dibil mita il kum purara pali suni, naha tasbaya kuntrika nani sut marikan, ai prana nani sin.

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Jan 3:8

Pâsa ba krawisa, witin ani tani wina krawan dauki ba ra; ai binka ba walisma, sakuna kaikras sma ani tani wina aula sapa bara ani tani ra auya sapa. Baku sa ani uplika Spirit wina aisubi taki ba.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

Galesha 2:2

Yang bahara wari, kan Gâd mita param mairikan yang bahara waia sna ba. Bara Jerusalem ra plis kum wiria tnaya ra, tâ uplika nani aikuki asla aidrubi banhri ba ra, swaki sakan lâka Ju apia uplika nani ra smalkisna ba tânka baha nani mawanra yang mangkri. Naha daukri, kan yang brin ai daukras kan wark nani pat daukri ba, bara naha piua ra daukisna ba sut sin bahki ra tawbia.

Epesus 2:8

Bamna Gâd latwanka lâka ba mita sika, man nani swaki mai sakan ba kasak lukan lâka bâk. Naha tânka na lika, man nani mita dîa kum daukram ba mita lika apia, sakuna baha lika Gâd mita ban prisant maikan sa.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.