Roman 8:38 - DAWAN BÎLA AISKA

³⁸ Baha mita yang kasak lukisna, diara âpu sa Gâd latwanka ba wina wan dakbi sakaia. Prura mita, raya kaia ba mita, insal nani ba, karnika bri nani ba bara spirit lâka mapara karnika bri nani ba sapa, diara nani nanara ba, bara diara nani naika balaia ba,

Roman 8:38 ပူးပေါင်းရင်းမြစ်များ

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Roman 14:7

Yawan kumi bani ba ai wîna kat man dukiara raya apia sa, bara wan dukiara sin pruras sa.

Roman 14:8

Baku bamna, yawan raya sa kaka, Dawan dukiara raya sa; bara pruisa kaka, baha sin Dawan dukiara pruisa. Baha mita yawan raya kabia kra bara prubia kra, Dawan dukia sika.

Roman 4:21

bamna witin kasak pali luki kan, Gâd karnika brisa dîa dîa witin pramis dauki ba sut daukaia.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

1 Korint 15:24

Baha kat lika piua ba sut aimakbia; bara Kraist mita pura aimaki nani bani ba, pura karnika alki bani ba bara karnika sât wala alki nani ba sut pura lubia, king lâka ba Gâd Aisa mihta ra mangkbia.

2 Korint 11:14

Naha na lika diara aihkakira apia sa, kan Sitan pali sin ingni insal baku takisa,

2 Korint 4:13

Ulbanka ba wisa: “Kasak lukri, baha mita yang aisari”; bamna baha baku natka ra, yang nani sin baha kasak lukan daukanka ba, yang nani kasak lukisna bara sin aisisna.

Epesus 1:21

Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

Kolosi 2:15

Kraist dus prihni ra pruan ba mita, tasba wihtka nani spirit lâka mapara karnika bri nani ra pura luan, ban sin baha nani ra swira tara pali daukan, bara witin baha nani ba alki priski baku, ai pura luan daknika tilara dingki brih auya kan.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.