Roman 8:35 - DAWAN BÎLA AISKA

³⁵ ¿Bamna ya mita sip sa ki Kraist latwanka lâka ba wina wan dakbi sakaia? ¿Baha daukaia sip kabia ki pât wahwan ba, ban kra trabil nani ba mita, apia kaka rausauhkan lâka ba mita, plun wahwaia ba mita, kwala âpu kaia ba mita, pât wan lamara ba mita, prura mita kra?

Roman 8:35 ပူးပေါင်းရင်းမြစ်များ

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Yamni Kulki Lawana 3:4

Witin nani wina lui laihura wari ba ra, yang sulki latwan kaiki uplika ba wal prak prawri. Bara mihta kat prak alkri, swiras ban alkri ba kat; yang yaptiki watla ra bri sal dingkri.

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Roman 2:9

Baku bamna, saura dauki nani ba mapara pât wahwaia lâka bara latwan wahwaia lâka sin bâra kabia, baha lika Ju nani ra pas, bara baha ningkara Ju apia nani ra sin.

Roman 8:17

Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

Roman 8:39

purara ba, tihu pali ra ba sin apia, bara diara wala sut Gâd daukan ba mita sin, sip apia sa. ¡Gâd ai latwanka lâka wan Dawan Kraist Jisas param wan marikan ba wina dakbi wan sakaia dukia kumi sin âpu sa!

1 Korint 4:11

Naiwa yua pali kat plun wahwi banhwisna, din wan daukisa, bara kwala sin âpu banhwisna, upla nani rau wan sauhkisa, yang nani waitla pali âpu,

1 Korint 4:12

bara yang nani mihti ni baman wark taki swapisna. Upla nani mita saura wan wisa, sakuna pana yang nani mita bîla yamni nani wisna. Rau wan sauhki banhwisa, sakuna ban bapi bûi wahwisna.

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

2 Korint 4:8

Baku, tnaya bani wina trabil ailal takisa, anik swak takaia yabalka âpu; wan kupia trabilka nani brisna, sakuna yang nani dring pruras.

2 Korint 4:9

Wan nina bliki rau wan sauhkisa, kuna wan lulki lika swiras; tasba ra wan batakisa, sakuna wan sauhki lika tikras.

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;