Roman 8:3 - DAWAN BÎLA AISKA

³ Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:3 ပူးပေါင်းရင်းမြစ်များ

Kulki Kaikanka 21:9

Bamna Moses bras piutka ba paski, dus kum ra paman, bara piuta saura ba mita saman uplika ba, bras piutka ra tawi kaikuya ba ra, rawi kan.

Kulki Kaikanka 28:22

Bara guts lupia kumi sin aiska angki daukbia, saurka swih tikan lâka briaia ba mana.

Mark 15:27

Âimplikra wâl sin witin wal sabi banhwan, kumi ai aihkika ra, wala ai smihka ra.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Apastil Nani Sturka 13:39

Witin ra kasak luki nani ba bani saurka nani sut ba swih tikan sa, Moses lâka ra sip swih tikras kan ba.

Roman 3:20

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Roman 7:18

Bamna kaikisni yang pali ra, tânka ba kasak pali wibia kaka, yang pali wîni ra diara pain ba âpu sa; yang lika diara pain daukan ai daukisa, sakuna sip daukras sna.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Galesha 3:21

¿Bamna naha tânka na mita, Moses lâka ba Gâd pramiska nani ba mapara sa wisa ki? ¡Apia pali! Kan lâ kum yan ba upla nani ra raya kaia lâka yabi kata kaka, lâ dîa wi ba kat dauki mita Gâd pain kaikaia kan.

Pilipai 2:7

Sakuna baha watlika ra, witin ai dukia kan ba tnaya ra swi si, alba talia takan. Witin lika upla baku aisubi takan,

Hibru Nani 10:12

Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan.

Hibru Nani 10:14

Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan.

Hibru Nani 2:14

Utla uplika kum luhpia nani ba, sim wîna bara sim tâlia brisa; baku sin, Jisas ba upla wîna bara tâlia sin bri kan, bara baku lika witin sip kaia kan ai pruanka ba ni dibil upla ikaia karnika bri kata ba, sauhki tikaia.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.