Roman 8:29 - DAWAN BÎLA AISKA

²⁹ Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Roman 8:29 ပူးပေါင်းရင်းမြစ်များ

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 89:27

Bara yang luhpi almuk raitka ba maikamni, tasba kingka nani sut purara.

Impakan Sturka 33:12

Moses mita Dawan ra win: —Kaiks, man ai wisma yang naha uplika nani na tâ brimna; sakuna ai wiras sma ya yang wal blikaisma sapa. Bara man sin ai wisma yang ra kasak ai kakaira pali sma, baku sin namkra ra yamni ai kaikisma.

Impakan Sturka 33:17

Bara Dawan mita Moses ra win: —Man dîa ai wiram ba daukamna, yang sin kakaira pali sna bamna.

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 28:10

Jisas mita mairka nani ra win: —Man nani si bripara. Muihki nani ra wih maisa paks Galili ra wabia, bara bahara ai kaikbia.

Matiu 7:23

Sakuna yang mita pana witin nani ra wimna: ‘Yang bui man nani ra mai kaikras pali katna; ¡diara saura baman dadaukra nani, maiwan wina taki was!’

Jan 17:16

Yang naha tasba wina apia sna ba baku, baha nani man aikram ba sin naha tasba wina apia sa.

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Jan 17:26

Yang bui witin nani ba man wal kakaira daukri, bara kau sin baku dauki kamna, bara baku mika latwan ai kaikisma lâka ba witin nani kupia ra kabia, bara yang pali sin witin nani wal asla kumi kamna.”

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Roman 11:2

Kan tâ wina Gâd bui Israel luhpia nani ba ai uplika baku kaikan, bara nanara baha nani ba sip lulkbia apia. ¿Kaikras sma ki man nani, Ulbanka ra prapit Ilayas aisi ba, witinka mita Gâd ra ai pura sunra bâk Israel luhpia nani dahra sakan ba? Witin naku win:

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 9:23

Baku bamna, Gâd ai prana tara ba yawan bâk marikaia lukan, yaura witin yamnika kaiki ba, bara yaura sin patitara piua wina pat ridi sakan ba, ai prana ba wina ai dukia bribia.

1 Korint 15:49

Yawan nanara baha uplika tasba ni paskan kata wal wan talia ba baku, naika piua sin witinka kasbrika purara ba wina wal sin wan talia kabia.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.