Roman 8:28 - DAWAN BÎLA AISKA

²⁸ Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 8:28 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Mark 12:30

Man Dawan Gâdkam ra latwan kaikma kupiam aiska, sulkam aiska, lukankam aiska, bara karnikam aiska ni.’ Naha sika lâ kau tara ba.

Apastil Nani Sturka 13:48

Ju apia nani ba naha walan ba ra, lilia pali takan, bara mahka aisin Dawan bîla ba pain pali sa. Bara baha nani sut raya ban kaia lâka briaia kan nani ba, kasak lukan.

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 1:24

sakuna Gâd paiwan uplika nani ba lika, Ju nani apia kaka, Grik nani kabia kaka, Misaya ba Gâd karnika bara sinska lâka sika.

1 Korint 1:9

Gâd lika ai pramiska nani dauki ba kat kasak sa, bara witin sika man nani ra mai paiwan ba, ai Luhpia Jisas Kraist wan Dawan ba wal aikuki asla iwaia.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 5:8

Bamna naha na Gâd dukia apia sa, witinka mita man nani mai paiwi ba.

Epesus 3:11

Gâd naha daukan, witin patitara piua ra ban kaia ra ba wina dîa daukaia luki kan ba, bara wan Dawan Jisas Kraist wal tnata kat daukan.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Pilipai 3:14

Baku bamna, yang mark ba alkaia plapisni prisant ba briaia dukiara, baha briaia Gâd kasbrika purara ba mita wan paiwi ba, yawan Kraist Jisas wal asla ba mita.

1 Tesalonaika 5:9

Kan Gâd lika yawan pât bribia wisi bâk wan sakras sa, sakuna wan Dawan Jisas Kraist bal swaki sakan lâka bribia dukiara mika.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

Hibru Nani 9:15

Baha mita, Jisas Kraist ba lika lâ daukan raya kum lengstarka sa. Kraist pruanka ba takan sa, upla nani pas lâka daukan munhtara nani kan saurka daukan nani ba swih tikaia, bara Gâd mita paiwan uplika nani ba ban kaia dukia nani Gâd mita yaia pramis munan ba, witin nani briaia sip kabia dukiara.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

1 Jan 4:10

Nahara sika latwan lâka tânka bri ba: yawan mita pas Gâd ra latwan kaikras, sakuna witin mita pas latwan wan kaiki ai Luhpia ba blikan, bara ai Luhpia bâk wan saurka nani sut ban swih tikan sa.

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.