Roman 8:24 - DAWAN BÎLA AISKA

²⁴ Kan wan kanra bîla kaikaia lâka playka ba mita sika swaki wan sakan sa; kuna upla kumi dîa bîla kaiki kan ba pat kaikisa kaka, baha lika diara bîla kaikisa tânka apia sa. Bamna upla kumi diara kaikaia kan ba pat kaikisa kaka, kau diara wala bîla kaikaia ba âpu sa.

Roman 8:24 ပူးပေါင်းရင်းမြစ်များ

Lawana Nani 146:5

Lilia man sa baha uplika, Jekob Gâdka ba wina ai hilpka bri ba, wan kanra bîla kaikaia ba, Dawan ai Gâdka sa.

Lawana Nani 33:18

Kaiks, Dawan nakra nani ba baha nani witin ra sibrin luki ba kat aihwaki kaikisa. Witin ra kulki bara kasak luki latwan kaiki nani ba kat kaikisa,

Lawana Nani 33:22

¡Dawan latwanka lâka ba wan lamara wabia, yang nani baku man wina bîla kaikisna bamna!

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Jirimaya 17:7

“Sakuna yamni pali sa baha uplika yang ra kasak luki ba, bîla kaikanka yang ra bri ba.

Sakaraya 9:12

¡Man nani tasbayam wina kangbi mai sakan, sakuna kli balaia bîla kaikisma ba, kan kahbaika pliskam ra kli tawi bal!

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Roman 4:18

Bahamna bahara lika diara bîla kaikaia lâka âpu kan, sakuna Ebraham ban kasak luki bîla kaikan, bara baku witin “upla ailal aisika” takan, Gâd mita dîa win ba kat: “Man kiamkam numbika ba baku kabia.”

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Roman 8:20

Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

1 Korint 13:13

Diara yumhpa ban kaia ra bâra sa: kasak lukan lâka ba, wan kainara diara bîla kaikaia lâka ba, bara latwan lâka ba sin; sakuna yumhpika wina kau tara ba lika, latwan lâka.

2 Korint 4:18

Bamna wan nakra kaiki diara bâra ba kaikras sa, sakuna sip kaikras dukia ba ra kaikisa; kan diara nani yawan kaiki ba lika ban kaia dukia apia sa, kuna sip kaikras dukia ba lika ban kaia ra ban sa.

2 Korint 5:7

bamna yang nani lika kasak lukan lâka mita taukisna, wan nakra ni kaiki ba mita lika apia.

Galesha 5:5

Sakuna yawan pât wina pri wan sakan kaia ba lika spirit ba hilpka ra kasak lukaia ba hilpka ra, bîla kaikanka brisa.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

Taitus 3:7

bara baku mika ai kupia yamnika ba mita, yawan na kasakkira wan kulkbia; bara baku sin raya ban kaia lâka wan kainara briaia ba, yawan bribia mata.

Hibru Nani 11:1

Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.