Roman 8:20 - DAWAN BÎLA AISKA

²⁰ Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

Roman 8:20 ပူးပေါင်းရင်းမြစ်များ

Blasi Sturka 5:29

bara ai nina ba Noa mâkan, bara win: “Kan Dawan mita tasba ba lahtuban bara wan mihta warkka karna nani yawan takbia mangki sakaia dukiara; sakuna naha tuktika baha pâtka wina pri wan sâkbia.”

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Lawana Nani 39:5

Rayaki prahni lupia baman aikram; rayaki na namkra ra diara bahki pali sa. ¡Upla sut rayaka bri ba, wan wingka puhbra kumi baman sa!

Jirimaya 12:11

Upla iwras tasbaya bîla man dauki swin, bara yang kaikisna ai pura mata inisa. Kuntrika aiska ba upla iwras tasbaya takan sa, sakuna upla kumi sin baha kaiki trabil taki lukras sa.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.

Joel 1:18

¡Daiwan uhbi ba baku! Bîp nani ba, bahki ra wataukisa twi pliki, sîp daknika ba sin sut pruisa.

Roman 8:22

Baha mita yawan kaikisa, paskanka aiska, Gâd paskan ba sut naiwa kat ban latwan bri ai mamna lulkisa, sim tuktan aisubi sakaia latwanka ba baku.

Roman 8:24

Kan wan kanra bîla kaikaia lâka playka ba mita sika swaki wan sakan sa; kuna upla kumi dîa bîla kaiki kan ba pat kaikisa kaka, baha lika diara bîla kaikisa tânka apia sa. Bamna upla kumi diara kaikaia kan ba pat kaikisa kaka, kau diara wala bîla kaikaia ba âpu sa.