Roman 8:2 - DAWAN BÎLA AISKA

² Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Roman 8:2 ပူးပေါင်းရင်းမြစ်များ

Lawana Nani 51:12

Aikrika kli âiyapah takamni swaki ai sakram liliaka ra; spiritkam kunin âpu ba ni ai alki bas,

Isikiel 1:21

Rayaka bri nani ba tauki kan ba ra, wilwaika nani sin tauki kan, baku sin witin nani takaskuya ba ra, wilwaika nani ba sin takaski kan; bara rayaka bri nani ba buya ba ra, wilwaika nani sin aikuki buki kan, kan baha wilwaika nani ba sin witin nani raya pîska kum sa bamna.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Jan 8:32

Bamna diara kasak tânka ba kaikma; bara kasak tânka ba mita sin pri mai sâkbia.

Jan 8:36

Baku bamna, Luhpia mita pri mai sakisa kaka, man nani lika kasak pali pri kama.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 3:27

Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Roman 6:18

Aima kumi man nani saurka lâka wina pri takram ba ra, kasakka lâka albika ni taki banhram.

Roman 6:22

Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

Roman 7:21

Baku ba mita, naha yang ra takisa: ani piua ra diara pain daukan ai dauki ba ra, diara saura baman yang wîni ra kaikisni.

Roman 7:23

kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

Roman 7:4

Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 15:45

Baku bamna, Ulbanka ra wisa: “Pas upla Adam ba, rayaka bri uplika kum kata”; sakuna Adam wala ba lika rayaka yabi spiritka sa.

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

Galesha 2:19

Kan yang lika lâ mapara pat pruri sa; baha sim lâka ba mita ai munan pruri, baha mita Gâd ra raya kamna wisi.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.

Param Marikanka 11:11

Sakuna yu yumhpa pura bakriki ba ningkara, Gâd mita kli rayaka yaban ba ra kli buan, bara witin nani ra kaikan uplika nani ba sut sibrin tara alkan.

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.