Roman 8:19 - DAWAN BÎLA AISKA

¹⁹ Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:19 ပူးပေါင်းရင်းမြစ်များ

Aiseya 65:17

“Man nani kaiks, yang kasbrika raya nani bara tasba sin raya paskamni, bara almuk kata ba dukiara kli wan kupia kraukbia apia, ba dukiara wan lukanka ra sin kli bal dimbia apia.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Matiu 5:9

“Lilia pali sa kupia kumi lâka dadaukra nani ba, kan witin nani Gâd luhpia nani wibia bamna.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

Roman 8:14

Baha nani sut Spirit mita tapahki brih auya ba lika Gâd luhpia nani sa.

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

Roman 8:18

Bamna yang lukisna, pât nani nanara wahwi na, sip apia pali sa baha prana yawan naika kaikaia ba wal prakaia.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

Roman 9:26

‘Man nani ba yang upliki nani apia sma’ wisata ba, baha sim pliska ra witin wibia: ‘Man nani ba Gâd rayakira luhpia nani sma.’ ”

1 Korint 1:7

Baku mika, man nani ba wan Dawan Jisas Kraist latan bal takaia yua nani ba bîla kaikisma ba ra, Gâd mita yabi dukia nani ba luha apia sma.

1 Korint 1:8

Gâd, witin bui man nani ra tnata kat ban bapi bûi kaia mai bri kabia, bara baku mika wan Dawan Jisas Kraist balbia ba ra, upla kumi sin man nani wina pât kumi sin sâkbia apia.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Kolosi 3:4

Man nani rayakam pali ba sika Kraist, bara ani piua ra witin param takbia ba ra, man nani sin Kraist wal prana tara tilara latan takma, bara witin wal prana tara ba bri kama.

Hibru Nani 12:27

“Kau aima kumi” bîla nani tânka ba lika latan wisa, Gâd mita paskan dukia nikwi nani ba brih sakan kabia, bara diara nani sip nikras ba ban bâra kabia.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.