Roman 8:17 - DAWAN BÎLA AISKA

¹⁷ Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

Roman 8:17 ပူးပေါင်းရင်းမြစ်များ

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Luk 24:26

¿Bamna Misaya dukia apia kan ki naha pâtka nani wahwi si, ai prana ra dimi iwaia?

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 20:32

“Bara nanara, muihni nani, Dawan mihta ra mai mangkuna, ai latwanka lâka tara ba mihta ra sin. Witinka karnika tara brisa, sip sa maikka pâwaia spirit tani ra bara witin pramis maikan ba kat daukbia holikira sakan ba tilara.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Roman 5:17

Bamna upla kumi saura daukan ba tâka karnika ba prura mita alki brin; bara nanara Gâd ai kupia yamni prisantka kau tara ba param marikisa baha nani dukia pât wina pri sakan ba, witin nani rayaka tânka raya ra iwi kaia upla kumi ba mita, baha sika Jisas Kraist.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

1 Korint 2:9

Sakuna, Ulbanka ra wi ba baku: “Witin ra latwan kaiki nani dukiara, Gâd diara nani ridi daukan sa; baha dukia nani ba kau upla kumi sin kulkras sa, walras, bara luki pali sin kaikras.”

2 Korint 1:5

Kraist pât tara wahwan ba baku yawan sin pât nani wahwisa, bahamna Kraist ba mita sin yawan maisa nihkra tara kum brisa.

2 Korint 1:7

Yang nani bapi bûi man nani ra bîla kaikanka kum brisna, baku man nani pât wahwisma ba mita yang nani kaikisna, maisa nihkra Gâd wina yang nani ra aiki ba man nani ra sin maikan sa.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Galesha 4:7

Baha mita, man lika, kli alba apia, sakuna Gâd luhpia sma; bara Gâd luhpia sma bamna, Gâd kupia lâka sa man sin ai dukia nani ba dawanka kama.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

Taitus 3:7

bara baku mika ai kupia yamnika ba mita, yawan na kasakkira wan kulkbia; bara baku sin raya ban kaia lâka wan kainara briaia ba, yawan bribia mata.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Hibru Nani 6:17

Gâd want kan baha nani ra diara pramis munan ba briaia ba ra, param pali marikaia witin dîa daukaia luki kan ba sip pali lakras kan bara wilin kan baha kat daukaia; ba mita witin ai pramiska ba swer taki kira daukan.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 1:4

bara baku diara manira nani kasbrika purara man nani dukiam wisi Gâd suni bri ba, witin mita maikbia. Baha dukia nani ba lika sip aisawras sa, sip sin tâski takras, bara sin sip sriwras.

1 Pita 4:13

Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.