Roman 8:15 - DAWAN BÎLA AISKA

¹⁵ Bamna Spirit man nani briram ba lika alba kaia spiritka apia sa kli sibri kaia; sakuna Spirit kumi Gâd luhpia wan dauki ba sika briram ba. Bara naha sim Spiritka na mita sika yawan wini ba: “¡Yang Aisiki!”

Roman 8:15 ပူးပေါင်းရင်းမြစ်များ

Impakan Sturka 20:19

Bamna witin nani bui Moses ra win: —Man bal yang nani ra aisas, bara yang nani bîlam wali daukamna, kuna Gâd lika yang nani ra aisabiara, kan yang nani sut prui tiwamna.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Kulki Kaikanka 17:12

sakuna Israel luhpia nani Moses ra win: “¡Yang nani na tiwri pali sna! ¡Sut prui banhwamna sa!

Matiu 25:25

Baha mita, yang sibri kapri, bamna wih lalahkam ba tasba ra yukukri. Sakuna dukiam nâra na bris.’

Mark 14:36

Bara ai pura sunra ra aisin: “Aisiki, diara sut mapara man sip sma; naha pâtka wahwaia sna ba wina swaki ai sâks; sakuna yang kupi lâka lika apia, man kupiam lâka kat.”

Luk 11:2

Jisas bila witin nani ra: —Man nani puram sunma ba ra, naku wis: ‘Aisa, ninam holikira ba kulkan kabia. Man king aimakaia ba yarka balbia.

Luk 22:42

Witin bila: “Aisa, man wilin sma kaka, pât wahwaia sna ba wina swaki ai sâks, sakuna yang kupi lâka kat lika kabiara, kuna man kupiam lâka kat mika.” [

Luk 8:28

Witin Jisas kaikan piua ra, mawan kat wih ai lula ra kauhi, ai pura winan: —Jisas, Gâd Laih Purara iwi ba Luhpia, ¿dîa kan tili dimisma ki? ¡Yang mamkabisni, rau ai sauhkpara!

Luk 8:37

Naha wal, Gerasa kuntrika uplika nani sut mita Jisas ra makaban, baha wina mahka taki wabia, witin nani sibrin dauki kan ba mita. Baku bamna, Jisas duri tara ra aimaki, baha wina mahka wan.

Jan 16:8

Spirit Holikira ba balbia ba ra, witin mita tasba ra iwi uplika nani ra param marikbia saurka lâka ba, wapni lâka ba, bara Gâd lâ dauki ba.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Apastil Nani Sturka 16:29

Bara silak watla main kakaira ba lamp kum makabi, witin ban plapi diman, sibrin mita ai wîna sut tatatwi kan, bamna Pal bara Silas wal mina kat kauhan.

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Roman 8:16

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

Roman 8:26

Baha sim natka ra, Spirit mita wan swapnika nani ra hilp wan munisa. Kan nahki wan pura sunaia sa tânka ba yawan kaikras sa, sakuna baha sim Spiritka ba mita Gâd ra wan tâwan makabisa ai mamna lulki ba kira, yawan mita aisaia sip apia ba.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

1 Korint 2:12

Bara yawan na tasba spiritka briras sa; yawan lika Gâd mita blikan Spiritka ba brin sa, Gâd ai kupia yamnika mita diara nani wankan ba yawan tânka bribia wisi.

2 Korint 11:4

Kan man nani lika uya kupiam alki takaski brisma, baha nani Jisas sât wala dukiara smalki ba mapara, yang nani mita smalkatna Jisaska sât apia ba; bara spirit sât wala, yang nani smalkri Spiritka sât apia ba, man nani pain brisma, bara swaki sakan sturka yamni pat mai smalkri ba sâtka apia smalkanka sin alki bri banhwisma.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

2 Timoti 1:7

Kan Gâd mita si briaia spiritka lika wankras sa; sakuna, ai Spiritka ba mita karnika tara wankisa, latwan lâka bara wan sinska yamni bri kaia ba sin.

Hibru Nani 2:15

Baku witin ba, baha nani ai rayaka yua nani aiska ra prura sibrinka mita alba nani kan ba, sut pri sakan.

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.

1 Jan 4:18

Anira latwan lâka bâra sa kaka, bahara sibrin lâka âpu. Kan latwan lâka pali ba mita sibrin lâka ba âpu daukisa, sibrin lâka ba ai pâtka twilkisa bamna. Baha mita, ani uplika sibrin lâka brisa kaka, witin lika latwan lâka pali ba briras sa.