Roman 8:14 - DAWAN BÎLA AISKA

¹⁴ Baha nani sut Spirit mita tapahki brih auya ba lika Gâd luhpia nani sa.

Roman 8:14 ပူးပေါင်းရင်းမြစ်များ

Lawana Nani 143:10

Ai smalks man kupiam lâka daukaia, kan man sika, yang Gâdki sma bamna. ¡Man Spiritkam yamni ba tâi bri wabia, yabal yamni kum bâk!

Sins Lâka 8:20

Yang yabal wapni bâk auna kasak lâka yabalka bâk.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Matiu 5:9

“Lilia pali sa kupia kumi lâka dadaukra nani ba, kan witin nani Gâd luhpia nani wibia bamna.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:5

Bamna wîna tara brinka kat baman iwi uplika nani ba, wîna tara brinka ba baman dukiara trabil taki lukisa; sakuna Spirit brinka kat iwi uplika nani ba, Spirit brinka dukiara trabil taki lukisa.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

Roman 9:26

‘Man nani ba yang upliki nani apia sma’ wisata ba, baha sim pliska ra witin wibia: ‘Man nani ba Gâd rayakira luhpia nani sma.’ ”

Roman 9:8

Naha tânka wan marikisa upla kiamka tilara kaia baman ba mita kau Gâd luhpia wan daukras sa; sakuna Gâd mita pramis daukan ba kulki nani ba baman lika rait kiamka pali kulkisa.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 4:5

Baku Kraist balan, yawan baha lâka mununhtara kan ba wina pri wan sakaia, bara Gâd mita ai luhpia nani baku wan bribia dukiara.

Galesha 4:6

Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Galesha 5:16

Bamna yang mai wisna: Man nani Spirit mita raya bas, wînam brinka saura nani ba dauki âmyapah kaia tauki kama apia.

Galesha 5:18

Sakuna Spirit ba tâm brisa kaka, man nani lika lâ mununhtara apia sma.

Epesus 1:5

Kaina wina pat luki kaikan, Jisas Kraist bâk ai luhpia nani baku kli wan briaia, witin daukaia ai kupia ra lukan ba kat.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 3:24

Ani uplika Gâd lâka nani bîla wali dauki ba, witin lika Gâd wal asla sa, bara Gâd sin witin wal asla sa. Bara naha tânka wal yawan kaikisa yawan ra witin raya iwi ba: Spirit Holikira yawan ra wankan ba mita.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.