Roman 8:13 - DAWAN BÎLA AISKA

¹³ Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:13 ပူးပေါင်းရင်းမြစ်များ

Job 20:13

aunhka ba ban ai bîla ra brisa, bara ai darkaya ra tawa tawa laki munisa.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

Roman 8:12

Baku bamna, muihki nani, yawan diara kum daukaia brisa, sakuna upla saura brinka nani lâka ba natka ra iwaia lika apia.

1 Korint 9:27

Sakuna, wîni tara na rausauhkisna bara taibi munisna bîli walbia, baku mika yang bui upla wala nani ra smalkisna tâinka ba aihwa apia ai kulkbiara sîa.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Galesha 6:8

Bamna upla ai wîna brinka dukiara dîa mangkbia kaka, witin ai wîna brinka ba wina prura krikbia. Sakuna Spirit brinka ba mangkisa kaka, Spirit Holikira mita yabia raya ban kaia ba krikbia.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.