Roman 8:11 - DAWAN BÎLA AISKA

¹¹ Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 8:11 ပူးပေါင်းရင်းမြစ်များ

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Isikiel 37:14

Yang bui man nani ra wingka puhbra ba mangkamna, bara man nani kli rawi buma; bara kli man nani tasbayam ra mai swimna. Baku lika man nani kaikma, yang, Dawan aisari ba bara daukri ba. Yang, Dawan, kasak aisisna.’ ”

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.

Apastil Nani Sturka 2:24

Sakuna Gâd bui witin ba prura karnika mununhta wina kli bukan, prura sip witin ba ai karnika mununhtara taibi briras kan bamna.

Roman 16:10

Laikula wis Apeles ra, witin Kraist ra kasak luki ba tânka uya pali marikan ba, bara Aristóbulo watla uplika nani sut ra sin laikula wis.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Roman 16:9

Laikula wis Urbano ra, Kraist Jisas wal asla lâka ra, yang nani aikuki wark tatakra ba, bara upliki laitwankira Estaquis ra sin.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Roman 8:12

Baku bamna, muihki nani, yawan diara kum daukaia brisa, sakuna upla saura brinka nani lâka ba natka ra iwaia lika apia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 15:16

Kan pruan nani ba kli buras sa kaka, Kraist pali sin kli buras kata.

1 Korint 6:14

Bara Gâd mita Dawan ba pruan wina kli bukan ba baku, yawan ra sin ai karnika ni wan bukbia.

2 Korint 4:11

bamna yang nani kau raya sna na piua ra, yu bani Jisas tâwan pruaia ai saki ai swin sa, baku lika yang nani upla pruikira sna na wîni ra Jisas rayaka ba marikaia dukiara.

2 Korint 4:14

Kan yang nani pain kaikisna, Gâd, witinka mita wan Dawan Jisas pruan wina bukan ba, yawan na sin pruan wina kli wan bukbia Jisas wal; bara man nani aikuki wan brih wabia ai mawanra.

2 Korint 5:4

Yawan lika naha tintka ra iwi na piua ra, wan mamna lulkisa bara sari sin wan daukisa. Wan wîna tara almuk na wina prâk baku daiki sâkbia lika wiras, kuna brin wan daukisa, wîna tara raya ba ni wan dingkan kabia, baha mita naha wîna tara pruikira na, raya ba mita âpu daukan kabia dukiara.

Galesha 6:8

Bamna upla ai wîna brinka dukiara dîa mangkbia kaka, witin ai wîna brinka ba wina prura krikbia. Sakuna Spirit brinka ba mangkisa kaka, Spirit Holikira mita yabia raya ban kaia ba krikbia.

Epesus 2:5

bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 11:11

Sakuna yu yumhpa pura bakriki ba ningkara, Gâd mita kli rayaka yaban ba ra kli buan, bara witin nani ra kaikan uplika nani ba sut sibrin tara alkan.