Roman 8:10 - DAWAN BÎLA AISKA

¹⁰ Ban sakuna, Kraist ba man nani ra raya sa kaka, wînam tara ba saurka mita pruan kabia kra, kuna spiritkam ba lika Gâd kasakkira kulkan ba mita raya kabia.

Roman 8:10 ပူးပေါင်းရင်းမြစ်များ

Libait Lâka 13:40

“Waitna kum tâwa sut daiwan bara lal lipni takan sa kaka, witin ba klin sa.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Jan 15:5

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 6:54

Ya yang wîni tara pîsa bara tâilia sin dîsa kaka, raya ban kaia ba brisa, bamna yang mita tnata piua ra pruan wina bukamna.

Jan 6:56

Ya yang wîni tara ba pîsa bara tâilia sin dîsa kaka, witin ba yang wal asla iwisa, bara yang sin witin wal asla sna.

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

1 Korint 15:45

Baku bamna, Ulbanka ra wisa: “Pas upla Adam ba, rayaka bri uplika kum kata”; sakuna Adam wala ba lika rayaka yabi spiritka sa.

2 Korint 13:5

Man nani laki kaiks wînam tânka ba aitani sma sapa, kasak lukan lâka ra aitani sma sapa kaikaia. ¿Kaikras sma ki Kraist man nani kupiam ra ba? Man nani ba kasak kristian apia kama lika, baha ba sip kasak lukras.

2 Korint 4:11

bamna yang nani kau raya sna na piua ra, yu bani Jisas tâwan pruaia ai saki ai swin sa, baku lika yang nani upla pruikira sna na wîni ra Jisas rayaka ba marikaia dukiara.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

Hibru Nani 12:23

Man nani ba Gâd luhpia tawahkia nani asla aidrubanka liliakira lamara balram sa, witinka nani nina nani kasbrika purara ulban ba. Man nani ba Gâd lamara balram sa, witinka upla sut Lâka Dadaukra ba, bara upla yamni nani Gâd mita kasakkira nani daukan ba lamara sin.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”