Roman 7:4 - DAWAN BÎLA AISKA

⁴ Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

Roman 7:4 ပူးပေါင်းရင်းမြစ်များ

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Matiu 26:26

Pi kan ba ra, Jisas ai mihta ra brit ba brih, tingki wih, kriki muni, ai disaipilka nani ra yabi, win: —Pi banhs, naha sika yang wîni tara ba.

Mark 4:20

Sakuna upla wala nani sturi yamni ba wali ai kupia ra dingki brisa, bara mâ sin pain sakisa, tasba pain ra kauhan kata ba wal baku. Tila nani lika mâ kum wina 30 saki ba baku, wala nani 60 sakan ba, bara 100 sakan ba wal baku sa.”

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Jan 3:29

Marit lâka kum ra, marit taki mairka ba sika marit waitna maya mairin; bara marit taki waitnika pânika bâra ba, witin aisanka nani wali bara lilia manis takisa.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Roman 6:11

Baku sin, man nani saurka lâka mapa ra pruram baku damra wali bas, kuna Jisas Kraist wal asla, Gâd mapa ra raya banhwi bas.

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Roman 6:2

¡Sip apia pali! Yawan lika pat saurka lâka mapara pruan; bamna, ¿nahki yawan saurka lâka wal ban raya iwi kaia sa ki?

Roman 6:22

Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

Roman 7:3

Bara baha mairka ai maya raya ba piua ra waitna wala wal bribia kaka, witin lika marit lâka sauhkisa; kuna maya waitna ba prubia kaka lika, witin baha lâka ba wina pri sa bara sip sa waitna wala wal marit takaia, bara witin lika marit lâka sauhkras kabia.

Roman 7:6

Sakuna nanara lika lâ mita ai karnika mununhtara wan bri kan ba mapara yawan pruan taki banhwan, bara baku mika rayaka raya tânka ba ni Gâd dukia daukaia yawan pri sika Spirit mita yabal raya wankan bâk, lâ almuk ulban ba karnika mununhta wina lika apia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Galesha 5:18

Sakuna Spirit ba tâm brisa kaka, man nani lika lâ mununhtara apia sma.

Epesus 2:15

Moses lâka ba mita adar nani bara dîa dîa lâka nani mangki yan ba, sut baha kat takaskan, bara upla dakni sât wâl kata ba upla daknika raya kumi daukan, witin ra asla prakan. Bara baku witin mita kupia kumi lâka ba daukan.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 4:17

Yang diara briaia baman lukisna dukiara lika apia; yang want sna ba lika man nani briaia sma ba kau pura lui bri kama Gâd mawanra.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

Kolosi 2:14

Tras kum wan mapara bâra kan ba, pât ra sin wan brih wi kan ba, Gâd mita aibapan. Baha traska ba sut pali âpu daukan, silak ra saban ba mita.

Kolosi 2:20

Man nani lika Kraist wal pruram, bara wan wîna brinka karnika nani ba mahka swiram sa. Ban kaka, ¿dîa muni kau lukras uplika nani lâka ra iwisma, bara adarka nani daukisma ba,

Hibru Nani 10:10

Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

Param Marikanka 19:7

Yawan liliakira kap, wan kupia lilia ni aibanhwi, yawan bui witin ra prana yap, Sîp Luhpia marit takaia piua ba aimakan sa bamna, ai maya mairin ba sin ridi takan sa:

Param Marikanka 21:9

Baha insal 7 kata ba wina kum ba kâp 7 bri balan lâs pât tara 7 ba, bahara banhki bri kan, bara naku ai win: “Bal, tiara Sîp Luhpia maya takaia ba mamrikaia sna.”