Roman 7:24 - DAWAN BÎLA AISKA

²⁴ ¡Uba umpira pali sna na! ¿Bamna ya pali sip kabia ki, naha wîni tara na mita prura pâtka tara ra ai brih auya ba wina dakbi ai sakaia?

Roman 7:24 ပူးပေါင်းရင်းမြစ်များ

1 King Nani 8:38

pura sunra nani, makabanka nani kra ani uplika bal daukbia, apia kaka man uplikam Israel luhpia nani tilara ban kra ya ai kupia ra pâtka ba ai dahra walbia kaka, naha tempel ra bal ai mihta buki ai pura sunbia sa kaka,

Lawana Nani 102:20

silak uplika nani inanka ba maisa nihkaia bara prura pâtka ra lakan nani ba pri sakaia;

Lawana Nani 119:131

Yang brinka tara wal bîli na kwâkisna, kan man lâmka nani, kupi ra brin ai dauki bamna.

Lawana Nani 119:143

Trabil saura, pât tara sin ai alkan; sakuna man lâmka bîla nani ba lilia ai sakan.

Lawana Nani 119:176

Yang na aimawahkri sa, sîp kum baku; ¡bal ai pliki ai sâks, man lâmka bîla nani yang âiya tiwras bamna!

Lawana Nani 119:20

Man lâ aisi daukram nani ba, tânka kaikaia brin ai dauki ba mita, kupi ba kriwan, taibi ai munisa awar bani ra.

Lawana Nani 38:2

Man trisbaikam nani ai diman sa; ¡man mihtam sin latwan ai taibisa!

Lawana Nani 6:6

Yang ini swapri sa, tihmia bani yang inisna, naikra laya ni laila kahbaika sut buskisna.

Lawana Nani 71:11

Witin nani wisa: “¡Bliki alki banhs, Gâd bui witin ba lulki swin, upla kumi sin swaki sâkbia apia!”

Lawana Nani 72:12

Witin bui swaki sâkbia baha umpira nani makabi ba bara diara luha nani upla bui hilp munras nani ba.

Lawana Nani 88:5

Pruan nani tilara mahka bri si ai lulki swin; yang na war ra pruri baku sna, bara pat ai bikan sa; man kaini kahbaika baku apia sma bara yang na pat âiya mai tikri baku sa.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Miqueas 7:19

Man bui yang nani ra kli umpira ai kaiki kama, saurki nani daukri ba, tasba ra minam ni taibi bikma, bara yang nani watawi daukri ba sut, man mita kabu tihuka ra rungki tikma.

Matiu 5:4

“Lilia pali sa sari bri banhwi nani ba, kan Gâd mita maisa nihkan kabia bamna.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

Roman 8:26

Baha sim natka ra, Spirit mita wan swapnika nani ra hilp wan munisa. Kan nahki wan pura sunaia sa tânka ba yawan kaikras sa, sakuna baha sim Spiritka ba mita Gâd ra wan tâwan makabisa ai mamna lulki ba kira, yawan mita aisaia sip apia ba.

Kolosi 2:11

Bamna Kraist wal asla takram ba mita, pat Aisa sainka mai daukan sa; wan wîna pali ra Aisa sainka dauki ba sâtka lika apia, sakuna wan wîna saurka nani wina swaki wan sakan ba. Naha sika Aisa sainka lâka Kraist wina aula ba.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 2:15

Baku witin ba, baha nani ai rayaka yua nani aiska ra prura sibrinka mita alba nani kan ba, sut pri sakan.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”