Roman 7:23 - DAWAN BÎLA AISKA

²³ kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

Roman 7:23 ပူးပေါင်းရင်းမြစ်များ

Lawana Nani 142:7

Silak watla ra sna na wina pri ai sâks, yang ninam ba mayunamna dukiara. Upla kasakkira nani kir ai bribia; yang ra pain ai munisma ba mita.

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

Roman 7:14

Bamna yawan kaikisa lâ ba lika spirit tani dukia, sakuna yang na upla wîna tara pali brisna ba mita, saurka lâka albika kaia wisi ai atkan sa.

Roman 7:21

Baku ba mita, naha yang ra takisa: ani piua ra diara pain daukan ai dauki ba ra, diara saura baman yang wîni ra kaikisni.

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Hibru Nani 12:4

Kan man nani lika saurka mapara aiklabisma ba ra, kau pruras sma.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

Jems 4:1

¿Man nani tilamra, ani wina war nani bara aiklabanka nani ba takisa ki? Brinkam saura nani wînam ra ban aiklabi ba wina takisa.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.