Roman 7:12 - DAWAN BÎLA AISKA

¹² Baku bamna, lâ ba lika holi sa, bara lâ bîla ba sin holi sa, bara kasak pain sa.

Roman 7:12 ပူးပေါင်းရင်းမြစ်များ

Nihimaya 9:13

“Baha ningkara, Sainai ilka bahna ra bal iwram, bara witin nani wal aisaram laih kasbrika pura ba wina; bara witin nani ra lâ kasak kat daukaia lâka yaram, smalkanka kasak nani, lâ nani bara adar yamni nani ba sut.

Lawana Nani 119:127

Ba mita, yang lika man lâmka bîla nani ba latwan kaikisni gul pain aihwa ba purkara.

Lawana Nani 119:137

Dawan, man ba kasakkira sma; bara lâ aisi daukisma ba sut kasakkira sa.

Lawana Nani 119:140

Man bîlam aisinka pramiska ba kasak sa, baha mita nampakan baha latwan kaikisa.

Lawana Nani 119:172

Yang twisi man pramiskam aisinka dukiara aiwanbia; kan man lâmka bîla nani sut ba, kasakka lâka sa bamna.

Lawana Nani 119:38

Tâ baiks naha man nampakan ra baha pramiska nani daukisma ba, ya man ra mai kulki nani ra.

Lawana Nani 119:86

¡Hilp ai muns, kan yang na rau ai sauhkan sa pâtkas pali! ¡Man lâmka bîla nani sut ba, kasak tânka baman sa!

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Roman 7:14

Bamna yawan kaikisa lâ ba lika spirit tani dukia, sakuna yang na upla wîna tara pali brisna ba mita, saurka lâka albika kaia wisi ai atkan sa.

Roman 7:16

Sakuna want apia sna ba, baha sika yang daukisna kaka, baku ni lika kaikisna lâ ba pain sa.

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 4:8

¿Nisan tara pali aihwa bâra sa ki, naha lâka nani diara daukaia lâka nani kasak pali ba, naiwa yang bui man nani ra mai smalki mamrikisna na lâka bri ba?

1 Timoti 1:8

Yawan kaikisa lâ ba pain sa, baha ba lâ tânka ba kat daukbia sa kaka.