Roman 7:11 - DAWAN BÎLA AISKA

¹¹ Bamna saurka ba sans brin lâ bâk kunin ai munaia, bara baha sin lâka bâk prura sin aikan.

Roman 7:11 ပူးပေါင်းရင်းမြစ်များ

Blasi Sturka 3:13

Bara Dawan Gâd mairin ra win: —¿Baha dîa man daukram? Bara mairin ba win: —Piuta ba kunin ai munan, ba mita yang dusa mâ ba piri.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Roman 3:20

kan Gâd ba upla kum ra sin pri sa wiras sa lâ aiska ba daukan wisa, lâ tânka ba sika naha baman wan marikisa yawan na upla saura nani sa.

Roman 7:13

Ban sakuna, ¿naha Moses lâka pain na mita ban prura ra ai brih wata ki? ¡Sip apia pali! Saurka ba mita sika yang ra prura balan, bara baku ni marikan sa baha ba saurka sa; diara yamni ba bâk baku daukan, bara lâ bîla mita latan marikan sa saurka ba lika saura sa.

Roman 7:8

Saurka ba naha tânka bâk sans brin, bara lâ ba mita yang wîni ra saurka sât sât bal takan, kan lâ âpu kira saurka ba lika diara kum pruan sa.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.