Roman 6:23 - DAWAN BÎLA AISKA

²³ Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 6:23 ပူးပေါင်းရင်းမြစ်များ

Blasi Sturka 2:17

sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”

Blasi Sturka 3:19

Mamwan laptika saki patam pima, tasba ra kli tawma ba kat, kan baha wina mai paskan bamna, man ba tasba yuya sma, bamna tasba yuya ra kli tawma ba kat.

Sins Lâka 11:19

Kasakka lâka ninara wama kaka, raya kaia lâka ra wan brih wabia, sakuna saura lâka nina bliki uplika lika, pruaia man plikisa.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 3:9

Witin nani ai swira âpu tâka mita ai saurka ba yukukras witin nani ai witnis aisisa; Sodoma baku ai saurka dahra tasba aiska ra maisa pakisa, yukukras. ¡Witin nani ra saura pali kabia, kan silp daukisa, klala briaia ba!

Isikiel 18:20

Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 4:36

Insla mâ kriki uplika ba ai mana brisa, bamna insla mâ wahbisa raya ban kaia ba briaia, bara baku lika mâ mangki ba bara mâ kriki ba wâlsut lilia kabia.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 6:68

Sakuna Saiman Pita mita pana win: —Dawan, ¿yaura yang nani wamna ki? Man bîlam nani ba lika raya ban kaia bîla nani sa.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Roman 5:17

Bamna upla kumi saura daukan ba tâka karnika ba prura mita alki brin; bara nanara Gâd ai kupia yamni prisantka kau tara ba param marikisa baha nani dukia pât wina pri sakan ba, witin nani rayaka tânka raya ra iwi kaia upla kumi ba mita, baha sika Jisas Kraist.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 6:16

Man nani pain kaikisma, alba kum baku dawankam kum mihta ra aimakma witin bîla wali daukaia bara baha dawankam ba albikam takisma. Baku sin, man nani saurka lâka bîla wali daukma kaka, bara baha sin prura ra mai brih auya, bara baku Gâd bîla wali daukma rayakam wapni brih iwaia.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Roman 8:13

Kan man nani wînam brinka lâka kat raya kaia lukisma kaka, man nani lika pruma; sakuna wînam lâka ba Spirit mita ikbia kaka, man nani lika raya kama.

Roman 8:38

Baha mita yang kasak lukisna, diara âpu sa Gâd latwanka ba wina wan dakbi sakaia. Prura mita, raya kaia ba mita, insal nani ba, karnika bri nani ba bara spirit lâka mapara karnika bri nani ba sapa, diara nani nanara ba, bara diara nani naika balaia ba,

Roman 8:39

purara ba, tihu pali ra ba sin apia, bara diara wala sut Gâd daukan ba mita sin, sip apia sa. ¡Gâd ai latwanka lâka wan Dawan Kraist Jisas param wan marikan ba wina dakbi wan sakaia dukia kumi sin âpu sa!

Roman 8:6

Wîna tara brinka ba trabil taki lukaia lâka ba mita pruaia ra wan brih auya; sakuna Spirit brinka ra trabil taki lukaia ba lika, raya kaia bara âuyapah lâka ra wan brih auya.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Jems 1:15

Naha brinka saura nani wina sika saura lâka takisa; bara saurka ba tara pâwan ba ra, prura ba aula.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”