Roman 6:22 - DAWAN BÎLA AISKA

²² Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

Roman 6:22 ပူးပေါင်းရင်းမြစ်များ

Blasi Sturka 50:17

Yang nani bui man ra mai wimna: ‘Yang mamkabisni, pliskam, man muihkam nani man ra saura pali mai munan saurka ba ban kulkpara, pâtka ban swih tiks’, kan yang nani na man aisikam Gâdka albika nani sna bamna.” Blikan uplika nani ba witin nani bîla ba kau aisi kan ba ra, Josep lika ini kan.

Job 1:8

Bara Dawan mita pana win: —¿Man naipakan Job ba kaikatma ki? Tasba ra witin baku wala âpu sa, waitna kumi kasakka lâka kat yang duki dauki ba, ai rayaka wapni, tâski âpu, upla ra saura munras, yamni baman dauki ba.

Lawana Nani 143:12

Kan man kasakkira sma, ¡waihli nani ba sauhki tiks! ¡Waihli nani ba sut âpu dauks, kan yang na man nampakan sna bamna!

Lawana Nani 86:2

tâi baiks, kan yang lika man wal kasak sni. Man, yang Gâdki sma; ¡naha man nampakan ra swaki sâks, kan man ra kasak lukisa bamna!

Lawana Nani 92:14

Almuk takbia sin ban ai mâ saki kabia; piu sut karna kabia bara raya kabia sin,

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Kulki Kaikanka 23:10

Witin nani ba ailal tasba yuya baku sa; ¿ya ba sut kulkaia sip sa ki? ¿Ya sip sa baha numbika ba kulki sakaia? ¡Yamni kaia kan, baha waitnika kasakkira pat pruan ba baku pruri kata, yang pruamna bara witin nani wal baku kamna!”

Matiu 13:40

Inma saura ba wahbi pauta ra lulki angki ba baku, tasba tnata ra sim baku kabia.

Matiu 13:43

Bara Gâd bîla wali dauki nani ba, ai Aisa king aimaki tasbaya ra lapta baku ingwan kabia. Man nani kiamam brisma kaka, wali banhs.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 4:36

Insla mâ kriki uplika ba ai mana brisa, bamna insla mâ wahbisa raya ban kaia ba briaia, bara baku lika mâ mangki ba bara mâ kriki ba wâlsut lilia kabia.

Jan 8:32

Bamna diara kasak tânka ba kaikma; bara kasak tânka ba mita sin pri mai sâkbia.

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Roman 6:18

Aima kumi man nani saurka lâka wina pri takram ba ra, kasakka lâka albika ni taki banhram.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 7:4

Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 7:22

Kan upla kum Dawan bui paiwan bara alba kan kaka, nanara lika pri uplika sa, bara Dawan dukia daukisa; bara baha sim natka ra, ani uplika Kraist mita paiwan bara pri uplika kan kaka, nanara lika witin albika sa.

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 4:17

Yang diara briaia baman lukisna dukiara lika apia; yang want sna ba lika man nani briaia sma ba kau pura lui bri kama Gâd mawanra.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

1 Pita 1:9

kasak lukankam lâka dîa daukaia luki ba brisma bamna, sulkam nani swaki sakaia tânka ba.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.

Param Marikanka 7:13

Bara almuk nani ba wina kum, yang ra ai makabi walan: “¿Naha nani kwala pihni dimi nani na, ya sa? ¿Bara ani wina witin nani balan?”