Roman 6:19 - DAWAN BÎLA AISKA

¹⁹ (Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

Roman 6:19 ပူးပေါင်းရင်းမြစ်များ

Libait Lâka 13:40

“Waitna kum tâwa sut daiwan bara lal lipni takan sa kaka, witin ba klin sa.

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

Roman 3:5

Sakuna wan saurka lâka ba mita Gâd ba kasakkira sa tânka marikisa kaka, ¿yawan dîa sip sa ki aisaia? ¿Gâd ba saurakira sa ki, witin mita klala wanki ba mita? (Naha na upla natka kat yang aisisna.)

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 7:23

kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

Roman 8:26

Baha sim natka ra, Spirit mita wan swapnika nani ra hilp wan munisa. Kan nahki wan pura sunaia sa tânka ba yawan kaikras sa, sakuna baha sim Spiritka ba mita Gâd ra wan tâwan makabisa ai mamna lulki ba kira, yawan mita aisaia sip apia ba.

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

1 Korint 9:8

Bara luki banhpara naha na upla lukanka baman aisisna, kan Moses lâka ra sin baku wisa.

Galesha 3:15

Muihki nani, yang mai aisisni sampla kum baku: Upla kum upla wala wal lâ kum dauki swin ba, upla kumi sin âpu sa baha lâka krikaia, apia kaka kau pura prakaia.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.