Roman 6:13 - DAWAN BÎLA AISKA

¹³ Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Roman 6:13 ပူးပေါင်းရင်းမြစ်များ

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

Lawana Nani 37:30

Upla yamni ba sins lâka ra luki sturi aisisa; upla yamni ba kasakka lâka daukaia luki sturi aisisa.

Sins Lâka 12:18

Upla tila nani aisi ba ispara wan sabi ba baku sa, sakuna sinskira nani aisanka ba lika hilp wankisa.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 6:11

Baku sin, man nani saurka lâka mapa ra pruram baku damra wali bas, kuna Jisas Kraist wal asla, Gâd mapa ra raya banhwi bas.

Roman 6:16

Man nani pain kaikisma, alba kum baku dawankam kum mihta ra aimakma witin bîla wali daukaia bara baha dawankam ba albikam takisma. Baku sin, man nani saurka lâka bîla wali daukma kaka, bara baha sin prura ra mai brih auya, bara baku Gâd bîla wali daukma rayakam wapni brih iwaia.

Roman 6:19

(Naha na upla natka ba kat yang aisisni, kan man nani upla baku naha diara tânka nani ba sip param briras sma ba dukiara.) Kaina piua ra man nani wînam ba tâski lâka bara saurka lâka mihta ra mangkram kan, saura daukaia dukiara. Baha sim natka ba kat, nanara wînam ba kasakka lâka mihta ra mangks, aiska holikira lâka ra iwi kaia dukiara.

Roman 7:23

kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

Roman 7:5

Bamna yawan upla saurakira nani baku kan ba piua ra, lâ ba wan wîna brinka saura nani buki kan, bara baha mita prura ra wan brih wan.

1 Korint 6:15

¿Man nani kaikras sma ki, man nani kumi bani wînam tara ba Kraist wîna sirpika nani sa? ¿Bara yang na Kraist wîna tara sirpika ba kum brih, rug mairin wîna tara ra bri si mangkamna ki? ¡Sip apia pali!

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

2 Korint 5:14

Kraist latwanka lâka ba mita yawan ra lâ wankisa, kumi ba upla sut pura mata pruan baha yang nani tânka briri ba wina, yang nani sin pat kaikisna upla sut lika pruan sa.

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

2 Korint 8:5

Yang nani briaia luki kapri ba wal kau pura dauki banhwan, kan witin nani ai wîna ba yan, Dawan ra pas, bara baha ningkara yang nani ra, Gâd kupia lâka ba kat.

Epesus 2:5

bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Kli Smalkanka 25:16

Kan Dawan bui kasakka lâka daukras uplika ba ra saura kaikisa.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

2 Tesalonaika 2:12

Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

Jems 4:1

¿Man nani tilamra, ani wina war nani bara aiklabanka nani ba takisa ki? Brinkam saura nani wînam ra ban aiklabi ba wina takisa.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.