Roman 5:5 - DAWAN BÎLA AISKA

⁵ Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 5:5 ပူးပေါင်းရင်းမြစ်များ

Job 27:8

¿Upla saurakira ba dîa briaia bîla kaikisa ki, Gâd bui rayaka ba sâkbia piua ra?

Lawana Nani 119:116

Karnikam aik, man pramiskam wiram ba kat, bara yang raya kamni, ¡bara aikrika yang kainira lukisna ba dukiara swiri takamna apia!

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Apastil Nani Sturka 10:45

Ju lalukra nani Pita wal balan kan ba tâ iwan, Spirit Holikira ba Ju apia uplika nani ra sin yabuya ba dukiara.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Galesha 4:6

Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.