Roman 5:21 - DAWAN BÎLA AISKA

²¹ Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 5:21 ပူးပေါင်းရင်းမြစ်များ

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Roman 4:13

Bamna Gâd mita Ebraham bara ai kiamka nani ra sin pramis munan naha tasbaya na ai dukia pali kabia; naha pramiska na Gâd mita daukras kata, Ebraham lâ bîla wali daukan ba tâka mita, sakuna kasak lukan ba mita, Gâd mita kasakkira kulkan ba tâka mita sika.

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Roman 5:14

Ban sakuna, Adam piua ba wina Moses piua kat, prura ba saura dauki uplika nani purara karnika bri kan, sakuna ai saurka ba Adam mita Gâd bîla lulkan ba sâtka lika apia; bamna Adam lika baha uplika balaia kan ba lilka kata.

Roman 5:17

Bamna upla kumi saura daukan ba tâka karnika ba prura mita alki brin; bara nanara Gâd ai kupia yamni prisantka kau tara ba param marikisa baha nani dukia pât wina pri sakan ba, witin nani rayaka tânka raya ra iwi kaia upla kumi ba mita, baha sika Jisas Kraist.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Roman 6:16

Man nani pain kaikisma, alba kum baku dawankam kum mihta ra aimakma witin bîla wali daukaia bara baha dawankam ba albikam takisma. Baku sin, man nani saurka lâka bîla wali daukma kaka, bara baha sin prura ra mai brih auya, bara baku Gâd bîla wali daukma rayakam wapni brih iwaia.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 8:10

Ban sakuna, Kraist ba man nani ra raya sa kaka, wînam tara ba saurka mita pruan kabia kra, kuna spiritkam ba lika Gâd kasakkira kulkan ba mita raya kabia.

Taitus 2:11

Kan Gâd ai kupia yamni tânka ba wan marikan sa, bara upla sut ra swaki sakan lâka brih balisa.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.