Roman 5:20 - DAWAN BÎLA AISKA

²⁰ Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.

Roman 5:20 ပူးပေါင်းရင်းမြစ်များ

Lawana Nani 25:11

Dawan, yang saurki ba tara pali sa; yang saurki ba ban swi tiks.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Isikiel 16:52

Man swiram daukan lâka ra bapi buaia kama, kan muihkam nani purkara kau saura daukram bamna; pâtkas talia daukram; baha swirka lâka, bara swira daukan lâka ra bapi buaia kama, kan muihkam nani ra pâtkas talia daukram.

Kulki Kaikanka 21:9

Bamna Moses bras piutka ba paski, dus kum ra paman, bara piuta saura ba mita saman uplika ba, bras piutka ra tawi kaikuya ba ra, rawi kan.

Matiu 20:9

Bara tutni 5 aklak wark takaia diman nani ba balan, bara kumi bani ai mana brin, yu aiska mana dîa aibapi kan ba.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Luk 7:47

Baha mita yang mai wisna, witin ai latwanka tara ba mita marikisa ai saurka nani sut ba swih tikan sa; bamna ani uplika saurka wiria baman swih tikan ba, pana wiria baman latwan kaikisa.

Jan 10:10

“Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Roman 6:1

Bamna, ¿yawan dîa wiaia sa ki? ¿Saurka ba ban dauki kaia sa, bara Gâd mita ai kupia yamni lâka ba kau wan marikbia?

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.