Roman 5:10 - DAWAN BÎLA AISKA

¹⁰ Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 5:10 ပူးပေါင်းရင်းမြစ်များ

2 Kronikas 29:24

Baha ningkara prîs nani ikan, tâlia nani laikan altar purara, prisant baku saurka mana saurka swika tikbia dukiara, Israel aiska sut dukiara, king pat adar yaban kan sakripais ba Israel aiska ra daukbia.

Isikiel 45:20

Baku sin kati bani yua 7 ra daukma ya ya ai kupia lâka, apia kaka ai dara walras saurka daukbia kaka baha dukiara. Baku dauki tempel ra ai wîna klin daukbia.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Libait Lâka 6:30

Sakuna upla saura daukan mana prisantka yabi sakripaiska daukaia daiwra nani bri balan ba tâlia tint watla bilara, Dawan wal aisi ba pliska ra bri balan ba, saurka nani ban swih tikaia tâski âpu kulkan watla ra dingkan ba, baha daiwra wîna ba upla kumi sin piaia apia sa. Baha sakripaiska ba pauta ra angkan kabia.

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Jan 5:26

Kan Aisa ba yakan raya ban kaia lâka ba brisa; baku sin witin ai Luhpia ra yan, witin yakan raya ban kaia lâka sin briaia;

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 6:57

Aisa rayakira ba mita ai blikan, bamna yang na witin ba mita raya sni. Baku sin ya yang wina plun pi ba, yang wina raya kabia.

Roman 11:28

Swaki sakan lâka tânka smalkanka ba mita lika, Ju nani ba Gâd wal ai waihla baku kulkan sa, man nani Ju apia nani ra sans maikaia; sakuna Gâd mita kau ban Ju nani ra latwan kaikisa, kan ai damika nani ba wina witin bâk saki brin.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Epesus 2:16

Naha natka ra, Kraist dus prihni ra pruan ba mita, baha upla daknika wâl pana pana aiklabanka bri kan ba, Kraist mita sut tiki, Gâd wal kupia kumi daukan, bara wîna tara kumi ra witin nani sut asla kumi daukan.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

1 Jan 4:10

Nahara sika latwan lâka tânka bri ba: yawan mita pas Gâd ra latwan kaikras, sakuna witin mita pas latwan wan kaiki ai Luhpia ba blikan, bara ai Luhpia bâk wan saurka nani sut ban swih tikan sa.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.