Roman 4:6 - DAWAN BÎLA AISKA

⁶ Baku bamna, Debit mita sin aisin sa upla kumi wark nani âpu kira Gâd mita kasakkira kulkan ba ai âuyapah sa.

Roman 4:6 ပူးပေါင်းရင်းမြစ်များ

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Matiu 25:19

“Piua wihka luan ba ra, baha albika nani dawanka kata ba balan, bara witin nani wal mahka kulkan.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 3:27

Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

Roman 4:11

Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

Roman 4:24

sakuna yawan wan dukiara sin ulban sa. Gâd, witinka mita Jisas wan Dawan pruan wina bukan bara yawan kasak luki ba mita wan kasak lukanka ba pain kulkisa;

Roman 4:5

Ban sakuna, upla kumi wark kumi sin daukras pali kuna kasak lukisa Gâd mita upla saurakira ba kasakkira kulkisa, baha uplika kasak lukan bamna, Gâd mita kasakkira kulkisa.

Roman 4:7

Bamna Debit aisin: “Nahki prais lilia sa baha uplika nani ai saurka ba Gâd mita swin tiwuya ba, bara saurka purak swin luan ba.

Roman 4:9

¿Bamna, naha liliaka lâka na Aisa sainka bri nani ba baman dukia sa ki, apia kaka, Aisa sainka briras nani sin dukia sa? Yawan pat aisin, Ebraham kasak lukan ba mita baman Gâd mita kasakkira kulkan.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Galesha 4:15

Baha liliaka bri nani katma ba, ¿nanara dîa takan ki? Man nani hilpkam ra ban sip kamna wiaia, baha ba sip kata kaka, namkra pali nani sin daiki aikaia wilin banhwi kaia kapram.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.