Roman 4:21 - DAWAN BÎLA AISKA

²¹ bamna witin kasak pali luki kan, Gâd karnika brisa dîa dîa witin pramis dauki ba sut daukaia.

Roman 4:21 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 32:27

“Yang sika Dawan, diara rayaka bri ba sut Gâdka. Yang maipara sip apia sna ba kumi sin âpu sa.

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Luk 1:1

Kulkanka tara brisma Teófilo: Upla ailal wilin takan diara nani wan tilara takan ba sturka aitani kat ulbaia. Baha nani ulban, tâ pali piua wina upla nani ai nakra ni kaiki banhwan ba bara sturi yamni wan smalkan ba dukiara. Bamna yang sin kulkanka tara pali ni, tâ pali wina naha diara nani na tânka pain pliki kaikri, bara aitani lukisna naha diara takan na man ra ulbaia,

Luk 1:37

Gâd mapara sip apia dukia âpu sa.

Luk 1:45

¡Liliam bas, man kasak lukram ba, kan Dawan bui man ra dîa mai win ba kasak kat daukbia!

Roman 14:4

¿Man ba ya sma, upla wala dukia dadaukra lâka aisi daukisma ba? Ai dawanka bisniska sa, witin ba buisa sapa, apia kaka kauhisa sapa. Bara uplika ba yaka pain bûi kabia, kan Dawan lika sip sa witin ba yaka pain kaia.

Roman 14:5

Tânka wala ba lika naha: Upla tila nani lukisa yu kum ba kau tara sa yu wala ba wal, bara wala nani lukisa yua sut ba lika kumi. Bamna upla kumi bani ba ai kupia lukanka ba kat kaia sa.

Roman 8:38

Baha mita yang kasak lukisna, diara âpu sa Gâd latwanka ba wina wan dakbi sakaia. Prura mita, raya kaia ba mita, insal nani ba, karnika bri nani ba bara spirit lâka mapara karnika bri nani ba sapa, diara nani nanara ba, bara diara nani naika balaia ba,

2 Korint 9:8

Gâd sip sa man nani ra dîa dîa brin mai dauki ba purkara kau maikaia, bara baha purkara man nani dukiam kau manis pali bri kama bara wark yamni sât sât daukaia dukiara sin aitani kat.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 11:19

Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.