Roman 4:18 - DAWAN BÎLA AISKA

¹⁸ Bahamna bahara lika diara bîla kaikaia lâka âpu kan, sakuna Ebraham ban kasak luki bîla kaikan, bara baku witin “upla ailal aisika” takan, Gâd mita dîa win ba kat: “Man kiamkam numbika ba baku kabia.”

Roman 4:18 ပူးပေါင်းရင်းမြစ်များ

Sins Lâka 13:12

Wan kanra briaia luki ba, wihka takaski ba mita, wan kupia ba sari wahwisa, sakuna yawan brin wan dauki ba bal takan ba ra, raya kaia dusa ba baku sa.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Luk 1:18

Sakaraya mita insalka ra makabi walan: —¿Nahki kaikamna naha na kasak baku kabia sa? Kan yang mayi wal lika pat almuk pali takri sa.

Apastil Nani Sturka 27:25

Baku bamna, upliki nani, si bripara. Gâd ra kupi aiska lukisna, bamna insal dîa ai win ba baku kat kabia.

Roman 4:17

Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.

Roman 4:19

Bamna Ebraham lika pat mani 100 prais almuk kan, sakuna witin ai kasak lukanka lâka ba swapni takras kan. Witin bara Sara wal ba pat pruan praiska kata, luhpa sakaia mapa ra sin witin nani ba uya pali almuk takan kata.

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 8:24

Kan wan kanra bîla kaikaia lâka playka ba mita sika swaki wan sakan sa; kuna upla kumi dîa bîla kaiki kan ba pat kaikisa kaka, baha lika diara bîla kaikisa tânka apia sa. Bamna upla kumi diara kaikaia kan ba pat kaikisa kaka, kau diara wala bîla kaikaia ba âpu sa.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,