Roman 4:15 - DAWAN BÎLA AISKA

¹⁵ Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Roman 4:15 ပူးပေါင်းရင်းမြစ်များ

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Inanka Nani 2:22

Tnaya bani wina pât nani yaram balan, lilia daukaia kum ra auya kan baku; Dawan, man lawankam yua ra, upla kumi sin âpu kan baha wina swak takaia. Baha nani yang bui pakri bara sins lâka sin smalkri kata ba, sut waihla nani bui iki tikan sa.

Isikiel 7:19

Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Kulki Kaikanka 32:14

Bara nanara man nani, saura dadaukra luhpia nani, papikam nani daukan ba baku kli daukaia lukisma, Israel luhpia nani mapara Dawan lawanka ba kli bri balaia dukiara.

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 5:13

Lâ naha ba tasba ra kau âpu kan ba ra, saurka lâka lika pat bâra kan; sakuna lâ âpu kan bamna, wan saurka ba wan kulkras kan.

1 Korint 15:56

Saurka mita sika prura yawan ra wan sarka paskaia ai karnika yabi ba, bara lâ almuk mita saurka ra baha karnika yabisa.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Kolosi 3:6

Naha dukia nani na mita, Gâd ai lawanka tara pali brih aula, ai bîla walras uplika nani ba purara.

1 Jan 3:4

Sakuna ani uplika saura dauki ba, witin lika Gâd lâka ba sauhkisa, kan saura daukaia ba lika lâ krikaia lâka sa.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.