Roman 4:11 - DAWAN BÎLA AISKA

¹¹ Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

Roman 4:11 ပူးပေါင်းရင်းမြစ်များ

Blasi Sturka 17:24

Ebraham 99 mani bri kan. Ismael mani 13 bri kan witin nani ai wîna ra Gâd sainka mangkan ba kat.

Lawana Nani 47:9

Upla tara nani, nisan tara nani tilara, Ebraham Gâdka uplika nani asla takan,

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Impakan Sturka 31:13

“Man, Israel luhpia nani wal aisi, naku wis: ‘Man nani kasak pali yang riski briaia yua nani ba kulkaia sma; kan baha ba lika yawan wan tukinka kum sa, kiamkam nani sut ban kulki kaia. Witin nani tânka bribia, yang mita man nani ba bâk mai saki mai briri ba.

Impakan Sturka 31:17

Baha ba ban kaia ra tukinka kum, Israel luhpia nani yang wal lâ daukri tukinka kabia.” Kan Dawan ba kasbrika pura bara tasba na wal paskan yu matlalkahbi ra, sakuna yu 7 aimakan ba ra wark dauki kan ba takaski, ris brin.

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 20:20

bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 8:11

Man nani ra sin mai wisni: Upla ailal lalma wina bara muna wina sin balbia, bara Gâd king aimaki ba lâka ra plun piaia iwi banhbia, Ebraham, Aisak bara Jekob wal aikuki;

Luk 19:9

Jisas bila: —Naiwa naha watla ra swaki sakan lâka ba balan sa, naha waitna na sin Ebraham kiamka sa bamna.

Jan 3:33

Sakuna ani uplika kasak lukisa kaka, witin param marikisa Gâd bui dîa aisi ba kasak pali sa;

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 6:35

Bara Jisas pana win: —Yang sika raya kaia yabi britka ba. Ya yang ra aula ba kli plun daukbia apia; bara yang ra kasak luki ba, kli sin diran daukbia apia.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 6:47

Yang kasak pali mai wisni, ya yang ra kasak luki ba, raya ban kaia lâka ba brisa.

Jan 8:33

Baha nani pana win: —Yang nani na lika Ebraham kiamka, bara kau aima kumi sin yang nani upla albika takras; ¿bamna nahki man wisma, yang nani na pri lâka bri kamna?

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 10:6

Kasak lukan mita Gâd kasakkira wan kulki ba lika naku wisa: “Man kupiam ra wipara: ‘¿Ya kasbrika purara uli wabia?’ —Naha na lika, Kraist kli mâyara bri balaia tânka sa;

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 3:26

Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

Roman 3:30

Gâd ba kumi baman sa, wala âpu; kasakkira luki nani ba witin mita pât wina pri sakisa, Aisa sainka bri nani ba briras nani ba lukras.

Roman 4:10

Sakuna, ¿ahkia Gâd mita Ebraham ra kasakkira kulkan: witin Aisa sainka mangkan ba ningkara, apia kaka kaina wina? Baha ningkara apia, kuna kaina wina.

Roman 9:30

¿Bamna yawan naha dukiara dîa wibia? Kan kasak lukan lâka bâk Gâd mita idan nani ra param mariki pâtka wina pri sakan lâka ba yan, witin nani lika baha pri sakaia lâka ba plikras kan.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Roman 9:6

Sakuna Gâd bui Israel ra pramis nani munan ba aimakras lika apia; kan Israel kiamka sut ba lika Israel apia sa.

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

Galesha 3:22

Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Galesha 3:7

Baha mita man nani kaiki kaia sma, kasak luki uplika nani ba sika, Ebraham kiamka nani.

Galesha 5:5

Sakuna yawan pât wina pri wan sakan kaia ba lika spirit ba hilpka ra kasak lukaia ba hilpka ra, bîla kaikanka brisa.

Galesha 6:16

Bamna, baha smalkanka kat dauki nani ba sut, kupia kumi lâka bara umpira kaikan lâka bri kabia, bara Gâd uplika pali nani ba sin bribia.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Param Marikanka 9:4

Witin nani ra adar yan kan tasba ra twi ba saura munaia apia, diara kura kumi ra sin apia, dus kumi ra sin apia, upla nani Gâd sîlka ba ai mawan purara mark munras ba baman lika.