Roman 3:31 - DAWAN BÎLA AISKA

³¹ Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Roman 3:31 ပူးပေါင်းရင်းမြစ်များ

Lawana Nani 119:126

Dawan, pat piua aimakan sa diara kum daukaia, kan witin nani man lâmka ba wali daukras bamna.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Aiseya 42:21

Dawan ba, Gâd kum upla swaki saki ba, witin smalki tânka ba, param mayunra tara daukaia want sa;

Matiu 15:6

bara ya ya baku aisabia ba, ai aisika ra bara ai yaptika ra hilp munaia apia sa. Baku man nani bui Gâd lâka ba bahki kulkram, man nani lâmka nani nina blikaia dukiara.

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Matiu 5:17

“Man nani lukpara yang na Moses lâka bara prapit nani smalkanka ba âpu tikaia balri. Yang baku daukaia balras, sakuna ai tânka aiska kat daukaia.

Matiu 5:20

Kan yang bui man nani ra mai wisna: kasakkam lâka ba Lâ Smasmalkra nani bara parisi nani daukanka ba wal kau purara apia kaka, Gâd Kingka Lâka ra ban kaia ra dimma apia.

Luk 20:16

Witin bal, wark tatakra nani ba sut iki tikbia, bara insla ba upla wala nani mihta ra mangkbia.” Naha walan ba ra, witin nani bila: —¡Baku pali lika takbiara!

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 2:20

sins aitani briras nani smasmalkrika kaia, tuktan nani ra sins tânka smalkaia sin. Bamna man lika lâ ba wina pat brisma, diara tânka briaia lâka bara diara kasak pali ba tânka sin.

Roman 3:4

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

Roman 3:6

¡Sip apia pali! Gâd ba kasak apia kaka, ¿nahki witin sip kabia tasba aiska na lâka daukaia?

Roman 4:14

Baku bamna, lâ bîla wali dauki banhwi ba baman Gâd mita pramis munan tasbaya ba alki brisa kaka, kasak lukan lâka ba lika bahki sa, bara Gâd pramiska ba sin diara bahki.

Roman 7:22

Kupi munhtara lika, Gâd lâka ba yamni kaikisna,

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 8:4

Witin naha na daukan Moses lâka adar wankan ba daukaia sip kabia dukiara, kan nanara yawan wan wîna tara brinka ba kat apia sa, sakuna Spirit brinka ba kat mika.

1 Korint 9:21

Baha sim natka ra, Moses lâka mununhtara iwras nani ba alkaia dukiara, witin nani baku takisna kasak yang na Gâd lâka mununhtara sna sakuna, yang Kraist lâka mununhtara sna bamna.

Galesha 2:19

Kan yang lika lâ mapara pat pruri sa; baha sim lâka ba mita ai munan pruri, baha mita Gâd ra raya kamna wisi.

Galesha 2:21

Baha mita, Gâd latwanka ba bahki kulkan ai daukras; kan upla kum lâ bîla wali dauki ba mita Gâd mita kasakkira kulki kan kaka, Kraist dus prihni ra pruan ba lika diara bahki pali kaia kan.